A three-way fight will be fought between BJP, Congress and NCP in Faizpur Municipality फैजपूर (18 नोव्हेंबर 2025) : फैजपूर पालिका निवडणुकीत लोकनियुक्त नगराध्यक्ष पदासाठी भाजप, काँग्रेस व राष्ट्रवादी काँग्रेस अशी तिरंगी लढत रंगण्याची चिन्हे आहेत. येथील पालिका निवडणुकीत कमालीची चुरस दिसेल.
सोमवारी शेवटच्या दिवशी भाजपने दामिनी पवन सराफ यांचा उमेदवारी अर्ज दाखल केला. राष्ट्रवादी काँग्रेसतर्फे सुमैख्या शेख कुर्बान यांनी नगराध्यक्ष पदाचे नामांकन दाखल केले तसेच भाजप शिवसेना शिंद गटाची युती झाली आहे.
राष्ट्रवादी अजित पवार गटाचे 12 नगरसेवकांच्या जागा व नगराध्यक्ष पद लढवत आहे. काँग्रेस पक्ष नगराध्यक्ष पद व नगरसेवकांच्या 8 जागा लढवत आहे. शरद पवार गटाने एक अर्ज भरला आहे तर शिवसेना ठाकरे गटाने नगरसेवक पदाच्या तीन जागांवर अर्ज भरले आहेत. सोमवारी पालिकेत अर्ज भरणार्‍यांची मोठी गर्दी राहिली. अखेरच्या दिवशी नगराध्यक्षपदाचे 8 (एकूण 12), तर नगरसेवक पदासाठी 69 (एकूण 151) अर्ज दाखल झाल्याचे सूत्रांकडून सांगण्यात आले.
