BJP in Jalgaon district created a stir as soon as three seats went unopposed even before the elections जळगाव (18 नोव्हेंबर 2025) : ऐन थंडीत आलेल्या पालिका निवडणुकांमुळे राजकीय आखाडा चांगलाच तापला असताना भाजपाच्या तीन जागा बिनविरोध होताच विजयाचा गुलाल उधळला आहे. सावदा,, ता.रावेर भुसावळ आणि जामनेर असे प्रत्येकी एक भाजपचा नगरसेवक बिनविरोध निवडला गेला आहे. मंगळवारी नामनिर्देशन पत्र छाननीच्या दिवशीच हा विजय मिळाल्यानंतर भाजपेयींनी प्रचंड जल्लोष केला.
भुसावळात प्रीती पाटील बिनविरोध
भुसावळ नगरपरिषद सार्वत्रिक निवडणूकीत प्रभाग क्रमांक 7 ‘अ’ मध्ये प्रीती मुकेश पाटील यांच्या विरोधात राष्ट्रवादी अजित पवार गटातर्फे सारीका युवराज पाटिल यांनी उमेदवारी अर्ज दाखल केला मात्र पक्षाने त्यांना दिलेल्या एबी फार्मवर उमेदवाराऐवजी त्यांच्या पतीचे नाव आल्याने हा अर्ज अपात्र करण्यात आल्याने व या प्रभागात अन्य कुणीही उमेदवारी दाखल केली नसल्याने प्रीती मुकेश पाटील या बिनविरोध निवडून आल्या.
जामनेरमध्ये उज्वला तायडे बिनविरोध
जामनेर नगरपरिषद सार्वत्रिक निवडणुकीत वार्ड क्रमांक 11 ब च्या भारतीय जनता पार्टीच्या उमेदवार उज्वला दीपक तायडे बिनविरोध निवडून आल्या. त्यांच्या विरोधातील मंगला भगवान खोडपे यांनी राष्ट्रवादी काँग्रेसतर्फे आपला उमेदवारी अर्ज दाखल केला.. उमेदवारी अर्जातील प्रतिज्ञापत्रात चूक असल्यामुळे निवडणूक निर्णय अधिकारी यांनी छाननी दरम्यान अर्ज बाद ठरवल्याने मंत्री गिरीश महाजन यांचे स्वीय सहाय्यक दीपक तायडे यांच्या सौभाग्यवती उज्वला दीपक तायडे या बिनविरोध निवड झाल्याची घोषणा करण्यात आली.
सावद्यात रंजना भारंबे बिनविरोध
सावदा नगरपालिका सार्वत्रिक निवडणुकीत भाजपाच्या उमेदवार रंजना जितेंद्र भारंबे यांची बिनविरोध निवड झाली. जळगाव जिल्ह्यातील सावदा, भुसावळ आणि जामनेर असे प्रत्येकी एक-एक असे भाजपचे तीन नगरसेवक बिनविरोध विजयी झाले आहे. विशेषतः नामनिर्देशन पत्र छाननीच्या दिवशीच हा विजय मिळवल्याने भारतीय जनता पक्षातील कार्यकर्त्यांचा आत्मविश्वास वाढला आहे.
