भाजपाने उमेदवारी कापली अन् उमेदवाराने शहरभर फलक लावत उमेदवारी कापणार्‍यांचे मानले आभार
BJP withdrew its candidacy and the candidate thanked those who withdrew their candidacy by putting up placards all over the city वाशिम (22 नोव्हेंबर 2025) : नगरपालिका निवडणुकांचा आखाडा तापला असताना अनेक ठिकाणी इच्छुकांची उमेदवारी कापली गेली तर काही ठिकाणी तत्कालीन नगरसेवकांनाही उमेदवारी नाकारण्यात आली मात्र वाशिममध्ये एका भाजपाच्या कार्यकर्त्याने उमेदवारी कापल्याबद्दल भाजपाचे आभार मानत सर्व गावभर बॅनर लावत लक्ष वेधले आहे. उमेदवाराच्या या कारनाम्याची राज्यात चर्चा सुरू आहे.
काय घडले वाशिममध्ये ?
वाशिम नगर परिषद निवडणुकीसाठी प्रभाग क्रमांक 2 मधून नगरसेवक पदाची निवडणूक लढवण्यास इच्छुक असलेले भाजपच्या अभियंता सेलचे विभागीय सह संयोजक धनंजय घुगे यांच्या ऐवजी दुसर्‍याला उमेदवारी देण्यात आली. याच नाराजीमधून घुगे यांनी चक्क उमेदवारी कापणार्‍यांचे धन्यवाद माननारे बॅनर फ्लेक्स लावले. या बॅनरवर पक्षनिष्ठा सिद्ध करण्याची संधी दिल्याचा मजकूरही फ्लेक्स बॅनरवर लिहलाय. या संदर्भात त्यांना विचारलं असता माझी उमेदवारी कापल्यानंतर मी पक्ष सोडेल किंवा पक्षाच्या उमेदवाराला अडआणित आणण्याचे कामं करेल, अशी चर्चा रंगली होती. या चर्चेला पूर्णविराम देण्यासाठी आणि मी पक्षाशी एकनिष्ठ आहे, हे सांगण्यासाठी मी बॅनर लावलेत, असं त्यांनी सांगितलं.
वाशिम जिल्ह्यातील चार नगरपालिकासह एका नगरपंचायत निवडणुकांसाठी उमेदवारी नामांकन अर्ज मागे घेण्याचा शुक्रवारी अंतिम दिवस होता. वाशिम नगरपालिका सदस्य पदासाठी एकूण 222 उमेदवारी अर्ज दाखल झाले होते. त्यापैकी 50 उमेदवारांनी आपला उमेदवारी अर्ज मागे घेतला. त्यामुळे आता सदस्य पदासाठी 172 उमेदवार निवडणूक रिंगणात आहेत. दरम्यान, वाशिम नगर परिषद अध्यक्षपदासाठी 17 उमेदवारांनी नामांकन अर्ज दाखल केले होते. त्यापैकी 3 उमेदवारांनी आज अर्ज मागे घेतल्याने अध्यक्षपदासाठीच्या रिंगणात 14 उमेदवार उरले आहेत.
