Youth stabbed to death in Muktainagar : Two suspects arrested मुक्ताईनगर (23 नोव्हेंबर 2025) : मुक्ताईनगर शहरात दोन दिवसांपासून बेपत्ता असलेल्या तरुणाचा चाकूने भोसकून खून करण्यात आल्याचा प्रकार रविवारी सायंकाळी समोर आला. विष्णू गोसावी (26, रा. मुक्ताईनगर) असे मृताचे नाव असून प्रेम प्रकरणातून या तरुणाची हत्या झाल्याची प्राथमिक माहिती आहे शिवाय पोलिसांनी या प्रकरणात दोन संशयीतांना ताब्यात घेतल्याची माहिती सूत्रांनी दिली.
बेपत्ता तरुणाचा मृतदेहच आढळला
मुक्ताईनगर शहरातील हॉटेल वृंदावन समोरील प्लॉटिंग भागात एका मोकळ्या जागेत विष्णू गोसावी या तरुणाचा चाकूने भोसकलेल्या अवस्थेती मृतदेह आढळला. विशेष म्हणजे गेल्या दोन दिवसांपासून तरुण बेपत्ता होता.
रविवारी सायंकाळी सहा वाजेाच्या सुमारास काही नागरिकांना प्लॉटिंगच्या ठिकाणी हा मृतदेह दिसला, त्यानंतर त्यांनी तात्काळ मुक्ताईनगर पोलिसांना माहिती दिली. माहिती मिळताच स्थानिक पोलिसांनी तातडीने घटनास्थळी धाव घेतली. काही तरुणांनी मृतदेहाची ओळख पटवल्यानंतर पोलिसांनी पंचनामा केला आणि मृतदेह पुढील तपासणीसाठी शासकीय रुग्णालयात हलवला.
दोन आरोपींना अटक
रात्री उशिरापर्यंत मुक्ताईनगर पोलिसात खुनाचा गुन्हा दाखल करण्याची प्रक्रिया सुरू होती तर स्थानिक पोलिसांनी दोन संशयीतांना ताब्यात घेतले असून प्रेम प्रकरणातून या तरुणाची हत्या झाल्याची प्राथमिक माहिती आहे.
