भुसावळातील प्रभाग क्रमांक 14 मध्ये भाजप उमेदवारांची आज प्रचार रॅली
भुसावळ (23 नोव्हेंबर 2025) : भुसावळ नगरपालिका निवडणुकीतील प्रभाग क्रमांक 14 अ मधून राजेंद्र दत्तात्रय आवटे तर प्रभाग क्रमांक 14 मधून अंकिता खोले-पाटील या भाजपाच्या उमेदवार असून या उमेदवारांनी या भागात प्रचाराला वेग घेतला आहे. उमेदवारांच्या प्रचारार्थ संपूर्ण कुटूंबही प्रचारात उतरले असून सकाळी व सायंकाळी नियोजनबद्ध पद्धत्तीने नागरिकांच्या भेटी गाठी तसेच सायंकाळी प्रचार रॅली व रात्री कॉर्नर बैठका घेतल्या जात आहेत.
भाजपाच्या दोन्ही उमेदवारांसह त्यांचे समर्थक प्रभाग क्रमांक 14 मधील संपूर्ण भागात डोअर टू डोअर जावून मतदारांच्या गाठी-भेटी घेत असून मतदारांशी संवाद साधून त्यांच्या अडी-अडचणी जाणून त्या संधी मिळाल्यास सोडवण्याची ग्वाही देत आहेत.





