एका दिवसात सरकार बदलू शकते मग डोंगराळे घटनेतील नराधमाला फाशी का नाही ? नाशिकमध्ये तरुणाने उपमुख्यमंत्र्यांचा ताफा अडवला
The government can change in a day, so why is the murderer in the Dongrale incident not hanged? A young man blocked the convoy of the Deputy Chief Minister in Nashik नाशिक (24 नोव्हेंबर 2025) : एका दिवसात सरकार बदलू शकते ! मग डोंगराळे घटनेतील नराधमाला फाशी का नाही ? असा प्रश्न करीत एका युवकाने नाशिकमध्ये उपमुख्यमंत्री एकनाथ शिंदे यांचा ताफा अडवला. यावेळी पोलिसांनी तरुणाला बाजूला घेण्याचा प्रयत्न केला मात्र शिंदे यांनी युवकाची भेट घेत त्याच्या भावना समजून घेतल्या व नराधमाला निश्चितपणे फाशी होईल, असे आश्वासन यावेळी दिले.
काय घडले नेमके ?
डोंगराळे येथील चिमुकलीवर झालेल्या अत्याचाराच्या निषेधार्थ नराधमास फाशीची शिक्षा झाली पाहिजे, अशा आशियाचा बॅनर राष्ट्रवादी युवक काँग्रेसचे पिंपळनेर तालुकाध्यक्ष पवन संदनशिव यांनी उपमुख्यमंत्री एकनाथ शिंदे यांच्यासमोर झळकावला.एका दिवसात सरकार बदलू शकतं मग आरोपाला फाशीची शिक्षा का नाही होऊ शकत? असेही त्याने म्हटले. यावेळी पोलिसांनी पवन संदनशिव याला रोखले. पोलिसांनी उपमुख्यमंत्री एकनाथ शिंदे यांच्या ताफ्यासमोरून बाजूला करण्याचा प्रयत्न केला. मात्र, यावेळी एकनाथ शिंदे यांनी त्यांचा ताफा थांबवत पवन संदनशिव यांची भेट घेऊन त्याच्या भावना जाणून घेतल्या.
डोंगराळे येथील घटनेत आरोपी असलेल्या याघटनेत आरोपी असलेल्या नराधमास फाशीची शिक्षा झाल्याशिवाय आम्ही शांत बसणार नाही, असा विश्वास उपमुख्यमंत्री शिंदे यांनी यावेळी दिली. सटाणा येथील भाषणातही बोलताना शिंदे यांनी ही केस फास्टट्रॅक कोर्टात घेऊन आरोपीला फाशी देऊ, असे म्हटले.
पीडीत कुटुंबाला मनोधैर्य योजनेतून 10 लाखांची मदत करण्यात आल्याची माहिती महिला व बालविकास मंत्री आदिती तटकरे यांनी दिली आहे.
