भुसावळकरांचा पाण्यासाठीचा वनवास संपणार ! आगामी वर्षभरात अमृत योजनेच्या माध्यमातून 24 तास पाणी देणार : मुख्यमंत्री देवेंद्र फडणवीस
गणेश वाघ
भुसावळ (24 नोव्हेंबर 2025) : भुसावळकरांचा पाण्यासाठीचा वनवास संपणार असून वर्षभरात 24 तास पाणी अमृत योजनेच्या माध्यमातून मिळणार असल्याचा विश्वास मुख्यमंत्री देवेंद्र फडणवीस यांनी येथे व्यक्त केला. भुसावळ शहरातील नाहाटा महाविद्यालयासमोरील बसस्थानकाच्या नियोजित जागेवर सोमवारी सायंकाळी पाच वाजता झालेल्या भाजपा उमेदवारांच्या प्रचारार्थ झालेल्या सभेत मुख्यमंत्री बोलत होते.
यांची व्यासपीठावर उपस्थिती
व्यासपीठावर मंत्री गिरीश महाजन, वस्त्रोद्योग मंत्री संजय सावकारे, केंद्रीय क्रीडा राज्य मंत्री रक्षा खडसे, खासदार स्मिता वाघ, आमदार मंगेश चव्हाण, आमदार अमोल जावळे, आमदार राजूमामा भोळे, भाजपा जिल्हाध्यक्ष चंद्रकांत चौधरी, उद्योजक मनोज बियाणी, डॉ.राध्येश्याम चौधरी, माजी खासदार डॉ.उल्हास पाटील, अशोक कांडेलकर, नंदू महाजन, डॉ.केतकी पाटील यांच्यासह भाजपाचे नगराध्यक्ष पदाचे 14 उमेदवार उपस्थित होते.
