पोलिस ठाण्यातच एक लाखांची लाच घेताना पोलिस उपनिरीक्षकाला बेड्या : नाशिक एसीबीच्या कारवाईने खळबळ
Police Sub-Inspector handcuffed while accepting a bribe of one lakh rupees at the police station: Nashik ACB’s action creates a stir नाशिक (24 नोव्हेंबर 2025) : एका गुन्ह्यात लवकर जामीन होण्यासह दोषारोपपत्र लवकरच दाखल होण्यासाठी तडजोडीअंती एक लाखांची लाच मागून ती स्वीकारताना सिन्नर एमआयडीसी पोलिस ठाण्यातील पोलिस उपनिरीक्षक राजू ब्रिजलाल पाटील (42) यास नाशिक एसीबीने सोमवारी सायंकाळी अटक केल्याने पोलिस वर्तुळातील लाचखोर हादरले आहेत.
असे आहे लाच प्रकरण
तक्रारदाराच्या मुलाविरोधात एका प्रकरणात गुन्हा दाखल असून तो अटकेत आहे. या गुन्ह्यात संशयीताचा वाढीव पीसीआर न मागण्यासह तसेच आरोपीचा लवकर जामीन होवून तपासात सहकार्य करण्याच्या मोबदल्यात फौजदार राजू पाटील यांनी 23 रोजी एक लाख 60 हजारांची लाच मागितली व एक लाख रुपये देण्याचे ठरल्यानंतर तक्रारदाराने नाशिक एसीबीकडे तक्रार दिल्यानंतर पडताळणी करून सापळा रचण्यात आला.
