एक तरी नगराध्यक्ष निवडून आणून दाखवा : भुसावळात विरोधकांना मंत्री गिरीश महाजनांचे आव्हान !
Elect at least one mayor: Minister Girish Mahajan’s challenge to the opposition in Bhusawal! भुसावळ (24 नोव्हेंबर 2025) : जळगाव जिल्हाच नव्हे तर उत्तर महाराष्ट्र भाजपाचा बालेकिल्ला असून संपूर्ण जिल्ह्यात भाजपाचे उमेदवार विजयी होईल, असा विश्वास मंत्री गिरीश महाजन यांनी भुसावळात व्यक्त करीत विरोधकांचा एकही नगराध्यक्ष निवडून येणार नाही, असा दावा येथे केला.
जळगाव जिल्ह्यातील भाजपा उमेदवारांच्या प्रचारार्थ पु.ओं.नाहाटा महाविद्यालयासमोरील नियोजित बसस्थानकाच्या जागेवर सोमवारी सायंकाळी पाच वाजता झालेल्या मुख्यमंत्र्यांच्या उपस्थितीत झालेल्या प्रचार सभेत मंत्री महाजन बोलत होते.
भुसावळ आता स्वच्छ व सुंदर, सुरक्षित शहर होणार
मंत्री महाजन म्हणाले की, पूर्वी भुसावळ म्हटले म्हणजे अंगावर काटा यायचा, गुंडांचे, खंडणीखोरांचे शहर असे चित्र होते मात्र भाजपाने सुसंस्कृत आमदार या शहराला दिला. स्वच्छता व सुरक्षेच्या बाबतीत भुसावळचा क्रमांक सर्वाधिक खाली असायचा मात्र आता चित्र बदलणार आहे.
मंत्री महाजन म्हणाले की, भुसावळात एनओसीसाठीही पैसे लागत होते, कम्प्लीशनसाठी पैसे लागत होते मात्र आता चित्र बदलले आहे. सगळ्यात सुंदर, स्वच्छ व सुरक्षित शहर आपल्याला भुसावळला करायचे असल्याचे मंत्री महाजन यांनी यावेळी सांगितले.
यांची व्यासपीठावर उपस्थिती
व्यासपीठावर मंत्री गिरीश महाजन, वस्त्रोद्योग मंत्री संजय सावकारे, केंद्रीय क्रीडा राज्य मंत्री रक्षा खडसे, खासदार स्मिता वाघ, आमदार मंगेश चव्हाण, आमदार अमोल जावळे, आमदार राजूमामा भोळे, भाजपा जिल्हाध्यक्ष चंद्रकांत चौधरी, उद्योजक मनोज बियाणी, डॉ.राध्येश्याम चौधरी, माजी खासदार डॉ.उल्हास पाटील, अशोक कांडेलकर, नंदू महाजन, डॉ.केतकी पाटील यांच्यासह भाजपाचे नगराध्यक्ष पदाचे 14 उमेदवार उपस्थित होते.
