भुसावळ (25 नोव्हेंबर 2025) : भुसावळ नगरपालिका निवडणुकीतील प्रभाग क्रमांक 14 अ मधून राजेंद्र दत्तात्रय आवटे तर प्रभाग क्रमांक 14 मधून अंकिता खोले-पाटील या भाजपाच्या उमेदवार आहेत. या उमेदवारांनी या भागात प्रचाराला वेग घेतला असून मंगळवारी सकाळी 10 वाजता दोन्ही उमेदवार आपल्या समर्थकांसह शिवदत्त नगर तसेच गडकरी नगर भागातील मतदारांची घरोघरी जावून प्रत्यक्ष भेट घेणार आहेत.
नागरिकांना सहभागाचे आवाहन
भाजपातील कार्यकर्ता, पदाधिकार्‍यांनी महाकाल चौकात सकाळी दहा वाजेपर्यंत एकत्रीत यावेत, असे आवाहन करण्यात आले आहे.
प्रभाग क्रमांक 14 अ मधून भाजपाने राजेंद्र नाना आवटे व प्रभाग 14 ब मधून हॉटेल व्यावसायीक व समाजसेवक सारंगधर पाटील (छोटू भाऊ) यांच्या स्नुषा अंकिता राजेंद्र खोले-पाटील यांना उमेदवारी दिली आहे.
उमेदवार म्हणाले ः नगरसेवक पदासह नगराध्यक्ष पदाच्या उमेदवार विजयी होणार
दोन्ही उमेदवारांनी यावेळी सांगितले की, नगरपालिका निवडणुकीत या प्रभागातून प्रचंड मतांनी आम्ही विजयी होवू तसेच नगराध्यक्ष पदाच्या उमेदवार रजनी संजय सावकारे यांचा विजय निश्चित आहे.
