भुसावळातील प्रभाग 24 चा सर्वांगीण विकास हाच ध्यास : राष्ट्रवादी अजित पवार गटाच्या उमेदवार सुषमा नेमाडे
भुसावळ (27 नोव्हेंबर 2025) : भुसावळ नगरपालिका निवडणूक रिंगणातील राष्ट्रवादी अजित पवार गटातील प्रभाग 24 ब मधील उमेदवार सुषमा नेमाडे यांनी प्रभागात नागरिकांशी संपर्क वाढवत डोअर टू डोअर प्रचार सुरू केला आहे. प्रभागाचा सर्वांगीण विकास हाच आपला ध्यास असून जनमताचा कौल निश्चितपणे आपल्या बाजूने असेल, असा आशावाद त्यांनी यावेळी बोलताना व्यक्त केला.
प्रचार रॅलीतून मतदारांशी संवाद
राष्ट्रवादी अजित पवार गटाचे जिल्हाध्यक्ष उमेश नेमाडे यांच्या सौभाग्यवती असलेल्या व अनुभवी म्हणून काम केलेल्या माजी नगरसेविका सुषमा उमेश नेमाडे यांच्या उमेदवाराने या प्रभागात मोठी चुरस निर्माण झाली आहे.
त्यांच्या प्रचारार्थ पती उमेश नेमाडे तसेच राष्ट्रवादीच्या कार्यकर्त्यांनी नियोजनबद्धरित्या प्रचार सुरू केला आहे. संपूर्ण प्रभागात उमेदवाराच्या प्रचारार्थ रॅली काढण्यात आली तसेच नागरिकांशी संवाद साधून त्यांच्या अडी-अडचणी जाणण्यात आल्या व संधी मिळाल्यास प्रभागातील अडचणी सोडवण्यासह प्रलंबित प्रश्नांना चालना देवू, असेही सुषमा नेमाडे यांनी सांगितले. प्रचार रॅलीदरम्यान उमेदवाराचे महिलांकडून औक्षण करून स्वागत करण्यात आले.
