भुसावळ (27 नोव्हेंबर 2025) : भुसावळ शहर विकासाचा ध्यास असून काही प्रलंबित असून त्या संधी मिळाल्यानंतर निश्चितपणे आपण सोडवू, असा विश्वास युतीच्या लोकनियुक्त नगराध्यक्ष पदाच्या उमेदवार सौ.रजनीताई संजय सावकारे यांनी येथे व्यक्त केले.
भुसावळ पालिका निवडणुकीनिमित्त युतीच्या नगराध्यक्ष पदाच्या उमेदवार रजनीताई सावकारे यांनी गुरुवार 27 नोव्हेंबर रोजी प्रभाग क्र. 15 व 16 मध्ये जोरदार प्रचारफेरी काढली.
महायुतीचे घटक पक्ष असलेल्या भारतीय जनता पार्टी, शिवसेना, रिपब्लिकन पार्टी ऑफ इंडिया (रिपाइं) आणि लहुजी शक्ती सेना यांच्या संयुक्त ताकदीचे प्रदर्शन या प्रचार फेरीत दिसून आले. वस्त्रोद्योग मंत्री संजय सावकारे यांच्या संपर्क कार्यालयातून सकाळी प्रचार अभियानाचा शुभारंभ झाला.
प्रचारफेरीत प्रभाग क्रमांक 15 मधील उमेदवार आशा पाटील आणि प्रभाग 16 मधील उमेदवार शमाबिबी या प्रमुख स्थानिक नेत्यांनी सक्रिय सहभाग घेतला. घरोघरी जाऊन नागरिकांशी थेट संवाद साधत आणि त्यांच्या समस्या जाणून घेत रजनीताई सावकारे यांनी महायुतीच्या विकासाभिमुख अजेंड्यावर मतदारांचे लक्ष वेधले.
यावेळी महायुतीचे सर्व प्रमुख पदाधिकारी, आजी-माजी नगरसेवक, विविध आघाड्यांचे तसेच मोर्चांचे पदाधिकारी आणि शेकडो कार्यकर्ते मोठ्या संख्येने उपस्थित होते. कार्यकर्त्यांनी ‘महायुती’च्या बाजूने जोरदार घोषणाबाजी केली.
प्रभाग क्रमांक 15 आणि 16 मधील नागरिकांच्या मिळालेल्या उत्स्फूर्त प्रतिसादाने महायुतीच्या आशा पल्लवित झाल्या आहेत.
