मतदारांच्या प्रत्यक्ष भेटीद्वारे भुसावळातील प्रभाग नऊच्या उमेदवार ममता डागोर मांडताय विकासाचे व्हिजन
भुसावळ (28 नोव्हेंबर 2025) : भुसावळातील प्रभाग क्रमांक 9 ब मधून राष्ट्रवादी अजित पवार गटाने उमेदवारी दिलेल्या ममता अजय डागोर यांच्यासह त्यांचे पती अजय डागोर (डागोर साहब) व कार्यकर्त्यांनी प्रचारात आघाडी घेतली आहे. संपूर्ण प्रभागातून प्रचार रॅली निघाल्यानंतर आता प्रत्येक मतदाराच्या दारी जावून त्यांच्या समस्या जाणल्या जात आहेत शिवाय निवडणुकीत विजय झाल्यानंतर प्रभागातील रस्ते, पाणी, गटार, ढापे या मूलभूत समस्या सोडवण्यास प्रभागाचा कसा काया-पालट करता येईल? या दृष्टीने विकासाचे व्हिजनही मांडण्यात येत आहे.
प्रभागाचा विकास हाच ध्यास
मतदारांनी प्रभागातून संधी दिल्यास निश्चितपणे प्रभागाचा कायापालट करू, असे उमेदवार ममता डागोर म्हणाल्या. आपल्या निवडणूक लढाईत समाजसेवक असलेले पती अजय कुमार डागोर यांची आपल्याला खंबीर साथ लाभली आहे शिवाय संधी मिळाल्यानंतर निश्चितपणे आपण प्रभागाचा कायापालट केल्याशिवाय राहणार नाही, असा विश्वासही त्यांनी व्यक्त केला.
नागरिकांच्या प्रत्यक्ष गाठी-भेटींवर भर
प्रभाग क्रमांक एकशी नाळ जुळलेले व याच भागातील रहिवासी असलेल्या ममता डागोर यांच्यासह त्यांचे पती अजयकुमार डागोर तसेच त्यांचे निष्ठावान कार्यकर्ते दररोज सकाळी व सायंकाळी प्रभागातील मतदारांच्या भेटी-गाठी घेत आहेत. मतदारांचे आशीर्वादही दाम्पत्याला लाभत असून प्रचार रॅलीचे उत्स्फूर्तपणे स्वागत केले जात आहे.
