भुसावळ विभागात जागतिक वारसा दिन उत्साहात : विद्यार्थ्यांचा उत्स्फूर्त सहभाग

भुसावळ (19 एप्रिल 2026) : जागतिक वारसा दिनानिमित्त भुसावळ रेल्वे विभागात विविध जनजागृतीपर उपक्रमांनी उत्साहाचे वातावरण निर्माण झाले आहे. शनिवार, 18 एप्रिल 2026 पासून आठवडाभर चालणार्‍या विशेष कार्यक्रमांचे आयोजन करण्यात आले. यावर्षीची थीम संघर्ष व आपत्तींच्या संदर्भात जिवंत वारशासाठी आपत्कालीन प्रतिसाद अशी आहे.

या उपक्रमांची सुरुवात शुक्रवार, 17 एप्रिल रोजी सेंट्रल रेल्वे स्कूल, भुसावळ येथे आयोजित प्रश्नमंजुषा स्पर्धेने झाली. या स्पर्धेत तब्बल 78 विद्यार्थ्यांनी सहभाग घेत आपल्या ज्ञानाची चुणूक दाखवली. तसेच भुसावळ येथील ऐतिहासिक विभागीय रेल्वे व्यवस्थापक कार्यालय इमारत आकर्षक रंगीबेरंगी प्रकाशयोजनेने सजविण्यात आली होती, ज्यामुळे वारशाचे महत्व अधोरेखित झाले.