भुसावळातील द वर्ल्ड स्कूलमध्ये श्रीकृष्ण जन्माष्टमी आणि दहीहंडी उत्सवानिमित्त जल्लोष
भुसावळ (शुक्रवार, 4 सप्टेंबर 2026) : कोलते फाउंडेशन एज्युकेशनल इन्स्टिट्यूशन संचलित द वर्ल्ड स्कूलमध्ये श्रीकृष्ण जन्माष्टमीनिमित्त गोपाळकाला व दहीहंडी उत्सव उत्साहात साजरा करण्यात आला.
कार्यक्रमास संस्थेच्या संचालिका सीएस रचना आर.कोलते व मुख्याध्यापिका पेट्रीशिया सी.हॅसेट उपस्थित होत्या. नर्सरी ते इयत्ता चौथीपर्यंतच्या विद्यार्थ्यांनी कृष्ण-राधेच्या वेशभूषेत सहभाग घेत विविध सांस्कृतिक कार्यक्रम सादर केले. दहीहंडी उत्सवात विद्यार्थ्यांनी आनंदाने सहभाग घेतला.
