भुसावळात सराफा व्यापार्‍याचे लक्ष चुकवून तीन लाखांचे मंगळसूत्र चोरणार्‍या अकोल्यातील महिलेला अटक

भुसावळ (गुरुवार, 15 ऑक्टोबर 2026) : दागिने पाहण्याच्या बहाण्याने सराफा दुकानात बुरखा घालून आलेल्या अज्ञात महिलेने सराफा दुकानदाराकडील तीन लाख रुपये किंमतीचे मंगळसूत्र लांबवल्याचा प्रकार शहरातील सराफा बाजारात घडला होता. समांतर तपासादरम्यान जळगाव गुन्हे शाखेने अकोल्यातील महिलेला बेड्या ठोकत मंगळसूत्र जप्त केले. मुमताज परवीन अब्दुल (नेहरु नगर, सोळाशे प्लॉट, अकोट फाईल, अकोला) असे अटकेतील आरोपीचे नाव आहे.

अशी झाली फसवणूक
भुसावळातील सराफा बाजारात राजेश बालमुकूंद अग्रवाल (63) यांचे सराफा दुकान आहे. या दुकानात 9 ऑक्टोबर रोजी सकाळी 10 ते 10.30 वाजेच्या सुमारास बुरखा घालून अनोळखी महिलेने प्रवेश केला. कानातले दागिने घेण्याचे महिलेने सांगितल्यानंतर दुकानाने दागिने पाहण्यास सुरूवात केल्यानंतर मंगळसूत्र दाखवण्याची मागणी केली. यावेळी दुकानदाराने मंगळसूत्र दाखवण्यास सुरूवात केल्याने दुकानदाराचे लक्ष हटताच महिलेने एका बॉक्समधील 19.310 ग्रॅम वजनाचे मंगळसूत्र व त्याला चार ग्रॅम वजनाचे पेंडल असे एकून तीन लाख रुपये किंमतीचे मंगळसूत्र बॅगेत टाकले. नंतर ही महिला निघून गेली. काही वेळेनंतर मंगळसूत्र नसल्याचे सराफा दुकानदाराच्या लक्षात आल्यानंतर त्यांनी बाजारपेठ पोलिसात धाव घेतली.