पोलिसांना माहिती दिल्याच्या संशयातून भुसावळात अल्पवयीन तरुणीवर अत्याचार : कुख्यात बाबा काल्यासह चौघांविरोधात गुन्हा

गणेश वाघ
भुसावळ (रविवार, 18 ऑक्टोबर 2026) :  पिस्टलासोबतचा फोटो पोलिसांना दाखवल्याच्या संशयायतून शहरातील 17 वर्षीय तरुणीला चौघांनी धमकावत मारहाण केली तर एकाने तरुणीला जंगलात नेत तिच्यावर अत्याचार केल्याचा धक्कादायक प्रकार शहरात घडला. या प्रकरणी कुख्यात बाबा काल्यासह चौकडीविरोधात भुसावळ बाजारपेठ पोलिसात गुन्हा दाखल करण्यात आला. संशयीत पसार असून त्यांचा कसून शोध सुरू करण्यात आला आहे.

काय घडले भुसावळात ?
शहरातील घोडेपीर बाबा परिसरातील मुस्लीम कॉलनी भागात 17 वर्षीय पीडीता वास्तव्यास आहे. 17 रोजी रात्री 12.30 वाजेच्या सुमारास संशयीत बाबा काल्या उर्फ आसीफ बेग असलम बेग, त्याचा मित्र मोहसीन उर्फ बाटूक, हसनैन व त्यांचा अनोळखी साथीदार पीडीतेच्या घरात शिरले. यावेळी संशयीताने आपला पिस्टलासोबतचा व्हिडिओ पोलिसांना का दाखवला ? म्हणत पीडीतेला बेल्टने मारहाण केली व पीडीतेला अंगावरील कपडे काढायला लावून त्याचा संशयीतांनी व्हिडिओ बनवत तो व्हायरलची धमकी दिली.