पाचोरा तालुक्यातील जवान नक्षलवाद्यांच्या चकमकीत शहिद

पठाणकोट येथे देशसेवेत
पाचोरा शहरापासून सुमारे 15 किलोमीटर अंतरावर असलेल्या सावखेडा बु येथील जवान मंगलसिंग जयसिंग परदेशी (वय – 35) हा सन – 2005 मधे अलीबाग येथे भारतीय सैन्यात भर्ती झाल्यानंतर त्याने सिकंदराबाद येथे प्रशिक्षण घेतले होते. 2014 मधे त्याचा मोंढाळे ता. भुसावळ येथील मुलीशी विवाह झाल्यानंतर त्यास दोन मुली व मुलगा असे तीन अपत्य आहेत. पत्नी व कुटुंब मंगलसिंग जयसिंग सोबतच राहत होते. मंगलसिंग जयसिंग परदेशी हा दसर्‍यानिमित्त एक महिन्यासाठी घरी आपल्या कुटुंबासह सुटीवर आला होता. 30 ऑक्टोबरला सुटी संपल्यानंतर पठाणकोट येथे सेवेत हजर झाला होता. या वर्षातील डिसेंबर अखेर सुटी संपल्याने गावी चार ते पाच रविवारी भैरवनाथाची यात्रा भरत असल्याने पुढील वर्षी जानेवारी महिन्यात यात्रेसाठी एक महिन्याच्या सुटी घेऊन कुटूंबीयासह सुटीवर येणार असल्याचे जातांना सांगून गेला होता. मंगलसिंग जयसिंग परदेशी याचा स्वभाव सतत हसरा व मनमिळावू होता. मंगलसिंग शहिद झाल्याने गावाता शोककळा पसरली आहे. सोमवारी सायंकाळी शासकीय इतमामात अंत्यसंस्कार केले जाणार आहे.