प्रेमप्रकरणाचा असाही शेवट : घरातून पळालेल्या दीरासह वहिनीची रेल्वेखाली आत्महत्या

करनाल : गेल्या 12 दिवसांपासून घरातून पळून गेेलेल्या दीरासह वहिनीने रेल्वेखाली आत्महत्या केली. हरियाणातील करनाल जिल्ह्यातील घोघारीपूर या गावातील रहिवाशी 27 वर्षीय अमन आणि 34 वर्षीय परमजीत अशे मयतांची नावे आहे. दोघांमध्ये प्रेमप्रकरण सुरू होते. रेल्वे पोलिसांनी मृतदेह शवविच्छेदनासाठी पाठवला आहे.

विवाहबाह्य संबंधातून आत्महत्या
घोघाडीपूर गावातील रहिवासी राय सिंह यांनी सांगितले की, अमन आणि परमजीत हे एकमेकांचे दीर आणि वहिनी आहे. परमजीतचा 12 वर्षांपूर्वी मनोजसोबत विवाह झाला होता. त्यांना तीन मुले आहेत. अमनचे लग्न झालेले नाही. काही दिवसांपूर्वी अमन-परमजीत घरातून पळून गेले होते, त्यांना 15 दिवसांनी शोध घेऊन घरी आणण्यात आले. परमजीत तिच्या मुलांसोबत राहत होती आणि अमनला गावातून हाकलून दिले. मात्र, काही दिवसांपूर्वी दोघेही बेपत्ता झाले होते. कोणीतरी फोन करून सांगितले की, अमन रेल्वे रुळावर आढळून आला आहे, त्याच्यासोबत एक महिलाही आहे. घरच्यांनी शहनिशा केल्यानंतर ते दोघे अमन आणि परमजीत असल्याचं उघड झालं. दोघांचे एकमेकांशी विवाहबाह्य संबंध होते.