‘सुप्रीम निर्देश’ : ओबीसी आरक्षणाशिवाय होणार निवडणुका

नवी दिल्ली : राज्य सरकारला धक्का देत आरक्षणाशिवाय निवडणुका घेण्याचे निर्देश सुप्रीम कोर्टाने दिल्यानंतर मंगळवार, 21 डिसेंबर रोजी होणार्‍या निवडणुकांचा मार्ग मोकळा झाला आहे तर पुढील निवडणुकांबाबत 17, जानेवारी रोजी निकाल देण्यात येणार आहे.

आरक्षण देता येत नसल्याचा निकाल
सुप्रीम कोर्टाने अलीकडेच ओबीसींनी 27 टक्के आरक्षण देता येणार नसल्याचा निकाल दिला होता. यावर राज्य सरकारच्यावतीनं सुप्रीम कोर्टा हस्तक्षेप याचिका दाखल केली होती. त्या याचिकेत निवडणूक प्रक्रिया पूर्णपणे स्थगित करण्यात यावी, तसा आदेश सुप्रीम कोर्टानं द्यावा, अशी मागणी सरकारनं केली होती. पुढच्या सहा महिन्यांसाठी निवडणूका पुढे ढकला, राज्य सरकारला इम्पेरीकल डाटा गोळा करण्यासाठी वेळ द्या. या मुदतीत सरकार काहीही करून डाटा पूर्ण करतेल पण ह्या निवडणूका पुढे ढकला असं राज्य सरकारनं सुप्रीम कोर्टात मागणी केली होती. या याचिकेवर सुनावणी झाल्यानंतर बुधवारी आज निकाल देण्यात आला.