केवळ आईचे गर्भाशय व स्मशान राहिले सुरक्षित : सुसाईड नोट लिहित तरुणीची आत्महत्या

चैन्नई : चेन्नईच्या बाहेरील भागात राहणार्‍या आणि 11व्या वर्गात शिकणार्‍या एका मुलीने सुसाईड नोट लिहून आत्महत्या केली. ’शिक्षकांवरही विश्वास ठेवू नका आणि नातलगांवरही विश्वास ठेवू नका… आता मुलींसाठी केवळ आईचे गर्भाशय आणि स्मशानच सुरक्षित राहिलं आहे’, अशी भावनिक ओळी या सुसाईड नोटमध्ये लिहिल्या आहेत.

केवळ आईचे गर्भाशय सुरक्षित
चेन्नईच्या बाहेरील भागात एक जोडपे राहते. त्यांची मुलगी अकरावीत शिकत होती. ही मुलगी शनिवारी छताला लटकलेल्या अवस्थेत आढळून आली होती. घटनेच्या तपासात पोलिसांनी मुलीच्या खोलीतून एक सुसाईड नोट जप्त केली आहे. यात ‘केवळ आईचे गर्भाशय आणि स्मशानच सुरक्षित राहिले आहे,’ असे या सुसाईड नोटमध्ये लिहिण्यात आले आहे. ही नोटा व्हायरल झाली आहे. या मुलीच्या पालकांनी मुलीला छताला लटकलेल्या अवस्थेत पाहिल्यानंतर त्यांना धक्काच बसला. त्यांनी तातडीने पोलिसांना यासंदर्भात माहिती दिली. यानंतर पोलिस तत्काळ घटनास्थळी पोहोचले आणि त्यांनी मुलीच्या खोलीची झडती घेतली, त्यात त्यांना ही सुसाईड नोट मिळाली. यासंदर्भात पोलिसांनी मुलीच्या मित्र-मैत्रीणींचीही चौकशी केली. यात, संबंधित मुलीने स्वतःला मित्रांपासून वेगळे केले होते आणि ती शांत-शांतच राहत होती, असा जवाब दिला आहे.