क्रुरतेचा कळस : अल्पवयीन मुलीवर सामूहिक बलात्कार नंतर नराधमांनी केली क्रुरतेने हत्या

जंगलात आढळला होता मृतदेह
नुकतेच बुंदी येथे 16 वर्षीय आदिवासी मुलीवर सामूहिक बलात्कार करून तिची हत्या करण्यात आली. नातेवाईकांनी शोध घेतला असता मुलीचा मृतदेह जंगलात आढळून आला. याप्रकरणी तिन्ही आरोपींना अटक करण्यात आली. तरुणीच्या पोस्टमॉर्टम रीपोर्टमध्ये अनेक महत्त्वाचे खुलासे झाले आहेत. ही घटना बुंदी जिल्ह्यातील बसोली पोलीस स्टेशन हद्दीतील काला कुआन गावातील आहे. येथे तीन नराधमांनी 16 वर्षीय मुलीचे अपहरण करून तिला जंगलात नेले आणि सामूहिक बलात्काराची घटना घडवून आणल्यानंतर प्रथम तिचा गळा दाबून खून केला आणि तिचे डोके दगडाने ठेचले. त्यांनी मुलीला ओढत जंगलात नेले.

गुन्ह्यातील तीनही आरोपी जाळ्यात
कुटुंबीयांनी मुलीचा शोध सुरू केला तेव्हा गावातील एका महिलेने सांगितले की, मुलीच्या किंचाळण्याचा आवाज जंगलातून आला होता. मुलीचे वडील तिला शोधण्यासाठी गेले असता तेथे पीडितेचा मृतदेह विवस्त्र अवस्थेत आढळून आला. यानंतर पोलिसांनी तीन आरोपींना अटक केली. चौकशीत आणि पोस्टमॉर्टम रिपोर्टमध्ये हृदय पिळवटून टाकणारी क्रूरता समोर आली.