सीडीएस जनरल बिपीन रावत यांचे हेलिकॉप्टर या कारणास्तव कोसळले : चौकशी अहवाल संरक्षण मंत्र्याना सुपूर्द

नवी दिल्ली : तिन्ही सुरक्षा दलांचे प्रमुख (सीडीएस) बिपीन रावत यांना घेऊन जाणाऱ्या एमआय-१७ हेलिकॉप्टर दुर्घटनेचा चौकशी अहवाल संरक्षणमंत्री राजनाथ सिंह यांना सुपूर्द करण्यात आला असून चौकशी अहवालाच्या तथ्यांबद्दल अद्याप अधिकृतरीत्या कोणतीही माहिती देण्यात आली नाही परंतु अचानक हवामान खराब झाल्याने चालकाने हेलिकॉप्टरवरील नियंत्रण गमावले, परीणामी हेलिकॉप्टर कोसळले. चौकशी अहवालात कोणत्याही प्रकारचा तांत्रिक बिघाड किंवा हल्ल्याची शक्यता फेटाळून लावण्यात आल्याचे समजते.

हेलिकॉप्टर दुर्घटना : संरक्षण दलाचे प्रमुख जनरल बिपीन रावत यांच्यासह 13 जणांचा मृत्यू

८ डिसेंबरला झाली दुर्घटना
गेल्या वर्षी ८ डिसेंबर रोजी सीडीएस बिपीन रावत, त्यांची पत्नी मधुलिका रावत यांच्यासह एकूण १४ जण हेलिकॉप्टरने जात असताना दुर्घटनेत सर्व प्रवाशांचा मृत्यू झाला होता. हवाई दलाच्या चौकशीत काढण्यात आलेल्या निष्कर्षाबद्दल संरक्षणमंत्री राजनाथ सिंह यांना सूचित करण्यात आले. एअर मार्शल मानवेंद्र सिंह यांनी दुर्घटनेच्या कोर्ट ऑफ इन्क्वायरीचे नेतृत्व केले.