ब्युटी पार्लरमध्ये सुरू होता देहव्रिकीचा व्यवसाय : धाडीत भाजपा नेत्यांना अटक

इंदौर : ब्युटी पार्लरमध्ये देहव्रिकीचा व्यवसाय सुरू असल्याची माहिती मिळाल्यानंतर पोलिसांनी टाकलेल्या धाडीत भाजपा नेत्यांनाच (BJP Leader) अटक करण्यात आल्याने खळबळ उडाली आहे. छापेमारीत पोलिसांनी अटक केलेल्या 18 जणांमध्ये भाजप युवा मोर्चाचे तीन नेते आहेत. पोलिसांनी या तिन्ही नेत्यांना अटक करुन तुरुंगात टाकले आहे. शनिवारी काँग्रेसने (Congress) या भाजपा नेत्यांचे (BJP Leader) फोटो सोशल मीडियातून शेअर केले आहेत. तसेच, या तीन नेत्यांपैकी एक आरोपी वनमंत्री विजय शहा यांचा निकटवर्तीय असल्याचेही काँग्रेसने म्हटले आहे तर संबंधित व्यक्तींच्या पदासंबंधित चौकशी सुरू असल्याचे भाजपने म्हटले आहे.

संशयीत वनमंत्र्यांचे नातेवाईक
काँग्रेसचे प्रदेशाध्यक्ष नरेंद्र सलूजा यांनी आरोप केला की, इंदौरच्या एका स्पा, ब्युटी पार्लरमध्ये देहव्रिकीचा व्यवसाय सुरू असल्याची माहिती पोलिसांना होती. पोलिसांनी येथे धाड (Red) टाकल्यानंतर पडकण्यात आलेल्या 18 जणांपैकी 3 जण खंडवातील भाजप युवा मोर्चाचे नेत आहेत. विशेष म्हणजे खंडवाचा रहिवाशी आणि राज्याचे वनमंत्री विजय शहा यांचे तिन्ही नेते निकटवर्तीय असल्याचा आरोपही सलूजा यांनी केला आहे.