‘दबंग’ अभिनेत्री सोनाक्षी सिन्हाच्या पुन्हा वाढल्या अडचणी : न्यायालयाने दिले हे आदेश

मुरादाबाद : बॉलिवूड अभिनेत्री सोनाक्षी सिन्हा हिच्यासह दोन जणांविरुद्ध फसवणूक केल्याप्रकरणी वॉरंट जारी झाल्याने सोनाक्षीच्या अडचणीत वाढ झाली आहे. अतिरिक्त मुख्य न्यायदंडाधिकारी स्मिता गोस्वामी यांच्या न्यायालयाने शनिवारी हे आदेश दिले असून या प्रकरणाची पुढील सुनावणी 25 मार्च रोजी होणार आहे. उत्तर प्रदेशातील मुरादाबाद जिल्ह्यातील शिवपुरी कॉलनी येथील रहिवासी इव्हेंट मॅनेजर प्रमोद शर्मा यांनी 30 सप्टेंबर 2018 रोजी दिल्लीच्या श्री फोर्ट ऑडिटोरियममध्ये इंडिया फॅशन अँड ब्युटी अवॉर्डचे आयोजन केले होते. यामध्ये सोनाक्षी सिन्हा ठरलेल्या तारखेला पोहोचली नाही.

या कारणास्तव झाली कारवाई
या कार्यक्रमाला प्रमुख पाहुणे म्हणून उपस्थित राहण्यासाठी प्रमोद शर्मा यांनी टॅलेंट फुलऑन आणि एक्साइड एंटरटेनमेंट कंपनीच्या माध्यमातून प्रसिद्ध चित्रपट अभिनेत्री सोनाक्षी सिन्हा यांच्याशी करार केला. यासाठी सोनाक्षीने एक प्रमोशनल व्हिडिओही जारी केला आहे. कार्यक्रमाला येण्यासाठी सोनाक्षी सिन्हाने 29.92 लाख रुपये वेगवेगळ्या हप्त्यांमध्ये घेतले. टॅलेंट फुलऑनच्या अभिषेक सिन्हाला 6 लाख 48 हजार रुपये देण्यात आले. नियोजित तारखेला त्याने सकाळी फोन करून सोनाक्षी सिन्हाच्या कार्यक्रमाला जाण्यासाठी दुसर्‍या विमानाचे तिकीट काढले, असा आरोप आहे. मात्र, ती या कार्यक्रमाला पोहोचली नाही. सोनाक्षी सिन्हाच्या हस्ते 120 ब्युटी पार्लर चालकांना पुरस्कार प्रदान करण्याचा कार्यक्रम होता.