भ्रष्टाचार संपवण्यासाठी पंजाबमध्ये ‘आप’ पक्षाकडून सफाई : सरकारी रुग्णालयांसह कार्यालयात मारले दापे
नवी दिल्ली : आपच्या झाडूने पंजाबमध्ये सर्वच पक्षांची सफाई केल्यानंतर पक्षाने आता भ्रष्टाचारमुक्त पंजाब हा अजेंडा राबवण्यास सुुरवात केली आहे. पंजाबमध्ये निवडणूक जिंकल्यानंतर आम आदमी पार्टीने जोरदार हालचाली सुरू केल्या आहेत. दिल्लीच्या धर्तीवर आम आदमी पक्षाच्या नेत्यांनी सरकारी कार्यालये आणि रुग्णालयांवर छापे टाकण्यास सुरुवात केली आहे.
आमदारांच्या छाप्यांनी उडाली खळबळ
आम आदमी पक्षाच्या चार आमदारांनी पंजाबमधील मोगा जिल्ह्यातील अनेक सरकारी कार्यालये आणि सिव्हिल हॉस्पिटलवर छापे टाकून तेथे पुरवल्या जाणार्या सेवांचा आढावा घेतला. नहाल सिंग वालाचे आमदार मनजीत सिंग बिलासपूर, धरमकोटचे आमदार देवेंद्र सिंग धोस, बाघापुराणाचे आमदार अमरपाल सिंग सुखंद आणि डॉ अमरप्रीत कौर यांनीही उपायुक्त हरीश नायर आणि एसएसपी चरणजीत सिंग सोहल यांची भेट घेतली.
त्रास देणार्यांची पोलिसात तक्रार
एका अहवालानुसार, या नवनिर्वाचित आमदारांनी पोलिस अधिकार्यांची भेट घेऊन जनतेला त्रास देणार्या अधिकार्यांची तक्रार केली आहे. प्रदीर्घ काळ एकाच ठिकाणी राहणार्या अधिकार्यांच्या बदल्या होणार असल्याचे आमदारांनी या संदर्भात बोलताना सांगितले. त्यानंतर सरकारी कंत्राटदारांचा क्रमांक येईल. रुग्णालयात तपासणी केली असता प्राथमिक स्तरावरील सुविधाही रूग्णालयात उपलब्ध नसल्याचे आढळून आल्याने त्यांनी प्रशासकीय बैठका घेणार असल्याचे सांगितले. , भगवंत मान यांनी पंजाबच्या जनतेला वचन दिले होते की, पंजाबमध्ये त्यांचे सरकार आले तर आम आदमी पक्ष एक चांगले मंत्रीमंडळ तयार करेल आणि ऐतिहासिक निर्णय घेईल.
