सरकारी अभियंत्याच्या घरात सापडली एक कोटी 36 लाखांची बेनामी रोकड व कोट्यवधींच्या मौल्यवान वस्तू

इतिहासात प्रथमच मोठी रोकड जप्त
कारवाईत 1.36 कोटी रुपयांची रोकड जप्त करण्यात आल्याची माहिती दक्षता विभागाचे संचालक वाय. के. जेठवा यांनी दिली. ओदिशा दक्षता विभागाच्या इतिहासात पहिल्यांदाच इतक्या मोठ्या प्रमाणात रोकड सापडल्याचं त्यांनी सांगितलं. याशिवाय पथकातील अधिकार्‍यांना 1.2 किलो सोनं सापडलं. दास यांना त्यांच्या कुटुंबीयांच्या, नातेवाईकांच्या नावे ऍक्सिस बँकेत 12 खाती उघडली होती. त्यामध्ये जवळपास 2.25 कोटी रुपये आहेत. ही सगळी खाती दास स्वत: पाहायचे. यासोबतच त्यांनी एफडी, बचत खातीही उघडली होती. त्यात चार कोटी रुपये आहेत.

पत्नीच्या नावे खरेदी केला प्लॅट
दासनं त्याच्या पत्नीच्या नावे कटकमधल्या शांतीवन सोसायटीत एक फ्लॅट खरेदी केला. त्याची किंमत 32.30 लाख रुपये आहे. पत्नीच्या नावे केओन्जर जिल्ह्यातल्या बारिपाल येथे भूखंडदेखील खरेदी केला होता. अन्य बँक खाती आणि दोन लॉकर्सच्या व्हेरिफिकेशनचं काम सुरू असल्याचं अधिकार्‍यांनी सांगितलं. नक्षलींचा प्रभाव असलेल्या भागांच्या विकासासाठी आलेल्या निधीवर दासनं डल्ला मारल्याची माहिती जेठवा यांनी दिली.