कासोद्यासह नेरी दिगरला गॅस कटरने एटीएम फोडले ; दहा लाखांची रोकड लंपास
एकाच टोळीवर संशय : मध्यरात्रीच्या घटनेने जळगाव जिल्ह्यात खळबळ
जळगाव : गॅस कटरच्या सहाय्याने जिल्ह्यातील कासोदा, ता.एरंडोल व नेरी, ता.जामनेर येथे एटीएम फोडून सुमारे दहा लाखांची रोकड लांबवण्यात आल्याने जिल्ह्यात खळबळ उडाली आहे. कासोद्यात गॅस कटरच्या मदतीने युनियन बँकेचे एटीएम फोडून 9 लाख 55 हजार रूपयांची रोकड लांबवण्यात आली तर नेरी दिगर येथील शॉपिंग कॉम्प्लेक्समधील टाटा इंडीकॅश कंपनीचे एटीएम अज्ञात चोरट्यांनी गॅस कटरच्या मदतीने फोडून 43 हजार 500 रुपयांची रोकड लांबवण्यात आली.
माजी मंत्री एकनाथराव खडसेंना ईडीची नोटीस : जप्त मालमत्ता 10 दिवसात रीकामी करा
कासोद्यात एटीएम फोडले
एरंडोल तालुक्यातील कासोदा शहरात बिर्ला चौकात असलेले युनियन बँकेचे एटीएम आहे. 31 मे रोजी रात्री 10 ते 1 जून रोजी सकाळी 4.30 वाजेच्या दरम्यान अज्ञात चोरट्यांनी गॅस कटरचा वापर करून एटीएम मशिन फोडून त्यातील 9 लाख 55 हजार रुपयांची रोकड लांबवण्यात आली. चोरीची माहिती मिळताच कासोदा पोलिस ठाण्याचे सहाय्यक पोलिस निरीक्षक निता कायटे यांच्यासह पथकाने धाव घेवून पाहणी केली.
जिल्हा पोलिस अधीक्षकांची धाव
जिल्हा पोलिस अधीक्षक डॉ.प्रवीण मुंढे, अपर पोलिस अधीक्षक चंद्रकांत गवळी, स्थानिक गुन्हे शाखेचे पोलिस निरीक्षक किरणकुमार बकाले यांनी घटनास्थळी भेट घेवून चौकशी केली. दरम्यान, परिसरात सीसीटीव्ही कॅमेर्‍याच्या मदतीने गुन्हेगारांचा शोध घेण्याचे काम सुरू आहे. याप्रकरणाचा पुढील तपास सहाय्यक पोलिस निरीक्षक निता कायटे हे करीत आहे.
नेरी दिगरला गॅस कटरच्या मदतीने एटीएम फोडले;
जामनेर तालुक्यातील नेरी दिगर येथील शॉपिंग कॉम्प्लेक्समधील टाटा इंडीकॅश कंपनीचे एटीएम अज्ञात चोरट्यांनी गॅस कटरच्या मदतीने फोडून 43 हजार 500 रुपयांची रोकड लांबविली आहे. या प्रकरणी जामनेर पोलिस ठाण्यात गुन्हा दाखल करण्यात आला.
नेरीतही एटीएम फोडले
जामनेर तालुक्यातील नेरी दिगर येथील ईश्वरलाल मगनलाल कुमावत यांचे शॉपींग कॉम्प्लेक्स आहे. या ठिकाणी टाटा इंडिकॅस कंपनीने एटीएम बसविण्यात आले आहे. 31 मे रोजी रात्री 10 ते 1 जून रोजी सकाळी 9 वाजेच्या दरम्यान, अज्ञात चोरट्यांनी गॅस कटरच्या मदतीने एटीएम फोडले. एटीएम मधून 43 हजाराची रोकड लांबविल्याचे उघडकीला आले. दरम्यान, एरंडोल तालुक्यातील कासोदा येथेही युनियन बँकेचे एटीएम यांच पध्दतीने फोडून सुमारे 9 लाख 55 हजारा रूपयांचा मुद्देमाल लांबविल्याच्या घटना देखील उघडकीला आली आहे. या दोन्ही घटनेतील गुन्हेगार हे एकच असल्याचा अंदाज व्यक्त केला जात आहे. घटनास्थळी स्थानिक गुन्हे शाखेचे निरीक्षक किरणकुमार बकाले यांनी धाव घेवून पाहणी केली. शिरीषकुमार पाटील (रा.ममुराबाद, जळगाव) यांच्या फिर्यादीवरू जामनेर पोलीस ठाण्यात गुन्हा दाखल करण्यात आला.
शरीरसुखाची मागणी करत महिलेचा विनयभंग ; दोघांवर गुन्हा
