माजी मंत्री एकनाथराव खडसेंना ईडीची नोटीस : जप्त मालमत्ता 10 दिवसात रीकामी करा
मुंबई : राष्ट्रवादीचे ज्येष्ठ नेते एकनाथ खडसे यांना ईडीने नोटीस बजावली असून नोटीसमधून जप्त केलेली प्रॉपर्टी रीकामी करण्याचे आदेश दिले आहेत. गेल्या वर्षी जप्त केलेली पावणेसहा कोटी रुपयांची मालमत्ता दहा दिवसांत सोडावी, अशी नोटीस ईडीने पाठवली आहे. खडसेंनी नोटीस मिळाल्याच्या वृत्ताला दुजोरा दिला आहे.
शरीरसुखाची मागणी करत महिलेचा विनयभंग ; दोघांवर गुन्हा
ईडीने बजावली नोटीस
गेल्या वर्षी ईडीने खडसेंना नोटीसदेखील बजावली होती. या नोटिसीनंतर ऑगस्ट महिन्यात खडसेंची जळगाव व लोणावळा येथील 5 कोटी 75 लाख रुपयांची प्रॉपर्टी जप्त करण्यात आली.. या प्रॉपर्टीमध्ये भाडेकरू असल्यास अथवा स्वत: निवास असल्यास दहा दिवसांत खाली करण्यासंदर्भात नोटीस बजावली आहे. दरम्यान, आपल्या नावावर एकच प्लॉट आहे. त्यावर बांधकामदेखील झालेले नाही त्यामुळे तो रीकामा करून देण्याची गरज नसल्याचे खडसेंनी सांगितले.
