यावल : तालुक्यातील किनगाव येथील आत्माराम नगरात 23 मे रोजी रात्री 75 वर्षीय वृद्ध महिलेवर अज्ञात भामट्याने हल्ला केला होता. हातातील चांदीचे कडे काढताना शेजारी महिलेची चाहूल लागताच हा भामटा पसार झाला होता. यानंतर ग्रामस्थांनी जखमी महिलेस किनगाव प्राथमिक आरोग्य केंद्रातून जळगावला हलवले होते मात्र मंगळवारी रात्री महिलेचा मृत्यू झाला. तिच्यावर मनवेल येथे अंत्यसंस्कार करण्यात आले. तसेच या गुन्ह्यात खुनाचे कलम वाढण्यात आले आहे.
कासोद्यासह नेरी दिगरला गॅस कटरने एटीएम फोडले ; दहा लाखांची रोकड लंपास
हातातील चांदीचे कडे काढताना हल्ला
किनगाव येथे जळगाव रस्त्यावर आत्माराम नगरात मराबाई सखाराम कोळी (75) ही महिला एकटीच राहत होती. 23 मे रोजी अज्ञात भामट्याने घरात प्रवेश हातातील चांदीचे कडे हिसकावण्यासाठी मराबाईंना मारहाण करत बेशुद्ध केले. त्यांच्या हातातील एक कडे काढले. दुसरा कडे काढत असताना शेजारील महिलेची चाहूल लागताच भामटा त्याचे साहित्य जागेवर सोडून पसार झाला होता. हा प्रकार उघड होताच गंभीर जखमी मराबाईंवर किनगाव प्राथमिक आरोग्य केंद्रात उपचार करून जळगाव येथील शासकीय वैद्यकीय महाविद्यालय व रुग्णालयात हलवले होते. या घटनेनंतर वरिष्ठ पोलिस अधिकारी, श्वान पथकाने तपासणी करूनही हाती फारसे धागेदोरे गवसले नव्हते. दुसरीकडे जळगावात उपचार सुरू असताना मंगळवारी रात्री महिलेचा मृत्यू झाला. शवविच्छेदन झाल्यावर मनवेल येथे अंत्यसंस्कार झाले.
