मुक्ताईनगर : नामांकीत कंपन्यांच्या कपाशीच्या बनावट बियाण्यांची विक्री केल्याप्रकरणी दोघांना अटक करण्यात आली. यातून मोठे रॅकेट उघडकीस येण्याची शक्यता आहे. 1 जूनपासून कपाशीच्या बियाण्यांची विक्री सुरू झाली असून काही भामटे बनावट बियाण्यांची विक्री करीत असल्याची माहिती मिळाल्यानंतर ही कारवाई करण्यात आली.
चोरट्यांनी केलेल्या हल्ल्यातील किनगावच्या जखमी वृद्धेचा मृत्यू
दोघांना अटक
जिल्हा परीषदेच्या कृषी विभागाचे बियाणे, रासायनिक खते व किटकनाशके निरिक्षक तसेच मोहिम अधिकारी विजय दगू पवार यांना मुक्ताईनगरात कपाशीच्या बनावट बियाण्यांची विक्री होत असल्याची माहिती मिळाली. त्यांनी याबाबत मुक्ताईनगर पोलिसांच्या मदतीने कारवाई केली. राष्ट्रीय महामार्ग क्रमांक सहावरील एम.जावेद पेट्रोल पंपाजवळच्या बस थांब्याजवळ प्रदीप शामराव पाटील (चिखली, ता.मुक्ताईनगर) आणि गोपाळ वामन जवरे (रा.जवळा बाजार, ता.नांदुरा, जि.बुलढाणा) या दोन जणांजवळ बनावट बियाणे आढळून आलेत. यात अंकुर सीडस आणि एचटीबीटी यांची एकूण 56 हजार 700 रुपयांची बनावट बियाणे जप्त करण्यात आली. ही कारवाई बुधवारी दुपारी करण्यात आली.
रॅकेट समोर येण्याची शक्यता
ही कारवाई ही मुक्ताईनगर पोलिस स्थानकाचे निरीक्षक शंकर शेळके यांच्या मार्गदर्शनाखाली उपनिरीक्षक बोरकर, परवीन तडवी, विजय पढार यांच्या पथकाने केली. दरम्यान, या दोघांच्या चौकशीतून बनावट बियाणे विक्री करणारे मोठे रॅकेट समोर येण्याची शक्यता आहे.
हॉरर चित्रपटाची अ‍ॅक्टींग करीत आधी बाहुलीला फाशी नंतर बालकाचा गळफास
