प्रवाशांशी गैरवर्तन : यावल आगारातील महिला वाहकासह चालकाचे निलंबन
यावल : यावल एस.टी.आगारात कार्यरत असलेल्या महिला वाहकांकडून प्रवाशांशी गैरवर्तणूक केली जात असल्याची तक्रार यावल एस.टी.आगार व्यवस्थापक यांच्याकडे करण्यात आल्यानंतर आगारप्रमुखांनी तत्काळ या तक्रारीची दखल घेत महिला वाहक अंजू संतोष वाणी व चालक एस.पी.पाटील यांना निलंबित केल्याने एस.टी.कर्मचार्यांच्या वर्तुळात प्रचंड खळबळ उडाली आहे
चालक व वाहकाचे निलंबन
23 रोजी रात्री 8.20 वाजेच्या सुमारास भुसावळ बस बसस्थानकावरून भुसावळहून यावलकडे येणार्या एस.टी.बसमध्ये वाहक अंजली वाणी या कार्यरत असतांना या बसमध्ये जवळपास सुमारे आठ प्रवासी असताना बस जवळ यावलला जाण्यासाठी उभे असलेले 10 ते 12 प्रवाशी उभे असताना व संपूर्ण बस खाली असतानादेखील काही प्रवाशानी बसमध्ये बसवुन घेण्याची वाहक अंजली वाणी यांना विनंती केल्यानंतर त्यांनी मात्र गैरवर्तणूक करून एसटीचा दरवाजा बंद करून गाडी मार्गस्थ केलली. प्रवासी महिला व लहान मुले असतानाही अन्य प्रवाशांनी त्यांना विनंती केली मात्र वाहक वाणी यांनी बसमध्ये बसलेल्या प्रवाशांना तुम्हाला बसायचे असल्यास बसा अन्यथा तुम्ही खाली उतरा, असे संभाषण करून गैरवर्तणूक केल्याचा आरोप आहे. वाहकांवर कठोर कारवाई करण्याची मागणी यावल आगार व्यवस्थापक एस.व्ही.भालेराव यांच्याकडे मंगळवारी करण्यात आली. तक्रार निवेदनावर जयश्री अविनाश चौधरी, ज्योती महेश वाणी, रुपाली गोवींद वाणी, सुवर्णा महेश वाणी, दीपाली दिलीप खरे, भाग्यश्री गोविंद वाणी, सिद्देश गोविंद वाणी, उन्नती अविनाश चौधरी, प्रिया महेश वाणी, ऐश्वर्या वाणी आदींच्या स्वाक्षर्या आहेत.
