वेटरनेच फोडले हॉटेल : धरणगावातील घटना

The waiter broke the hotel : incident in Dharangaon धरणगाव : हॉटेलच्या खिडकीचे लोखंडी ग्रील तोडून वेटरनेच गल्ल्यातील 30 हजाराची रोकड लांबवली. शहरात घडलेल्या चोरी प्रकरणी वेटरविरोधात पोलिसात गुन्हा दाखल करण्यात आला.

संधी साधून केली चोरी
धरणगाव शहरातील हॉटेल चंदनमध्ये वेटरच्या कामासाठी असलेला विजयसिंग शेरसिंग ठाकूर (रा.रामेश्वर कॉलनी, जळगाव) याने 28 ते 30 जानेवारीच्या दरम्यान हॉटेलच्या खिडकीचे लोखंडी ग्रील तोडून हॉटेलमध्ये प्रवेश केला. त्यानंतर हॉटेलच्या काऊंटरमध्ये ठेवलेले 30 हजार रुपये काढत पळ काढला. हॉटेल मालक किशोर चौधरी यांनी या वेटरचा धरणगाव शहरात शोध घेतला परंतू तो मिळून आला नाही तसेच त्याच्या मोबाईलवर संपर्क साधूनही तो होत नसल्याने संशय बळावला. गुरुवार, 2 फेब्रुवारी रोजी हॉटेल मालक किशोर चौधरी यांनी पोलिसात तक्रार दिल्यानंतर विजयसिंग शेरसिंग ठाकूर विरुद्ध गुन्हा दाखल करण्यात आला. तपास हवालदार राजेंद्र कोळी करीत आहेत.