जामनेर तालुका खुनाने हादरला : विवाहितेची धारदार शस्त्राने हत्या

Jamner taluka rocked by murder: Married woman killed with sharp weapon जामनेर : तालुक्यातील चिंचखेडा येथील 35 वर्षीय विवाहितेची धारदार शस्त्राने हत्या करण्यात आल्याची घटना सोमवारी दुपारी 1.30 वाजता घडली. या घटनेने तालुक्यात मोठी खळबळ उडाली आहे. सरलाबाई सुरेश पाटील (35) असे मयत विवाहितेचे नाव आहे. या प्रकरणी जामनेर पोलिस ठाण्यात खुनाचा गुन्हा दाखल करण्यात आला असून संशयीत विशाल नाना साबळे (23, चिंचखेडे बुद्रुक) यास अटक करण्यात आली. दरम्यान, आरोपीस बुधवारी न्यायालयात हजर केले असता 13 पर्यंत पोलीस कोठडी सुनावण्यात आली.

अवघ्या तीन तासात आरोपी जाळ्यात
जामनेर शहरापासून अवघ्या आठ कि.मी. अंतरावर असलेल्या जळगाव रोडवरील चिंचखेडा येथे येथे सरलाबाई पाटील या सोमवारी दुपारी दिड वाजेच्या सुमारास घरात एकट्या असताना वाईट हेतूने आरोपी विशाल साबळेचा हेतू साध्य न झाल्याने आरोपीने लोखंडी अवजार डोक्यात मारून विवाहितेची हत्या करीत पळ काढला. मयत विवाहितेचे चुलत सासरे सायंकाळी घरी आल्यानंतर त्यांना सून रक्ताच्या थारोळ्यात पडल्याचे दिसताच त्यांनी ग्रामस्थांसह पोलिसांना माहिती कळवली.