मुलाचा खून करणार्‍याचा गोळीबारातून बदला घेण्याचा डाव उधळला : भुसावळातील पित्याला बेड्या, दुसरा संशयीत पसार

Son’s killer’s plan to take revenge by shooting foiled : Bhusawal father in shackles, second suspected जळगाव : भुसावळातील अल्पवयीन तरुणाच्या हत्येतील संशयीत आरोपीची नशिराबाद उड्डाणपुलाखाली चाकू व गोळ्या मारून हत्या करण्यात आली होती मात्र मुलाच्या हत्येने व्यथित झालेल्या पित्याने आरोपींचा काटा काढण्यासाठी डाव आखला मात्र शहर पोलिसांनी गोपनीय माहितीच्या आधारे संशयीत पित्याच्या आरोपीला जळगावात अटक केल्याने खळबळ उडाली आहे. मनोहर आत्माराम सुरळकर (50, पंचशील नगर, भुसावळ) असे अटकेतील संशयिताचे नाव असून अन्य एक संशयीत पसार झाला आहे.

हत्येचा बदला घेतला होता हत्येतून
भुसावळात गतवर्षी 18 ऑक्टोबर 2020 रोजी संशयीत धम्मप्रियसह अन्य पाच आरोपींनी मो.कैफ (17) या तरुणाची हत्या केल्याचा आरोप होता. भावाची हत्या करणार्‍यांचा सूड घेण्यासाठी संशयीत तथा मयताचा भाऊ शेख समीर शेख जाकीर (21, पंचशील नगर, भुसावळ) व शेख रेहान शेख नईम (22, पंचशील नगर, भुसावळ) यांनी धम्मप्रिय मनोहर सुरळकर (19, पंचशील नगर, भुसावळ) या तरुणाची 21 सप्टेंबर 2021 रोजी जळगाव कारागृहातून जामिनावर सुटका झाल्यानंतर नशिराबाद उड्डाणपुलाखाली गोळीबार करून तसेच चाकूचे वार करून हत्या केली होती तर मनोहर सुरळकरदेखील या हल्ल्यात जखमी झाले होते. खुनाच्या घटनेनंतर अवघ्या काही तासात दोघा आरोपींना अटक करण्यात नशिराबाद पोलिसांना यश आले होते तर तपासादरम्यान आवेज बिस्मिल्ला मणियार (20, भुसावळ) यासदेखील अटक करण्यात आली होती.