जळगाव जिल्हा परीषद भाजपाकडेच : अध्यक्षपदी रंजना पाटील विजयी
राष्ट्रवादी-काँग्रेसच्या एका सदस्यांचे भाजपाला मतदान : महाविकास आघाडीचा पॅटर्न नाहीच
जळगाव : जिल्हा परीषदेच्या अध्यक्ष पदासाठी महाविकास आघाडीचा पॅटर्न राबवण्यात येण्याची जोरदार चर्चा असताना भाजपाने मात्र व्यूहरचना आखत काँग्रेस-राष्ट्रवादीचा सदस्य सोबत घेत जिल्हा परीषदेवर सत्ता काबीज केली तर अध्यक्षपदी भाजपाच्या रंजना प्रल्हाद पाटील व उपाध्यक्षपदी भाजपाचे लालचंद पाटील निवडून आले. अत्यंत चुरशीच्या या निवडणुकीत राष्ट्रवादीचे दोन तर काँग्रेसच्या एका सदस्याने भाजपाच्या बाजूने मतदान केले तर भाजपाचा एक सदस्य गैरहजर राहिला. या निवडणुकीत महाविकास आघाडीच्या अध्यक्षपदाच्या उमेदवार रेखा राजपूत ह्या पराभूत झाल्या. जळगावात महाविकास आघाडीचा प्रयत्न फसल्याची राजकीय वर्तुळात जोरदार चर्चा होती.
