Abduction of a 16-year-old minor girl from Kingaon village यावल : तालुक्यातील किनगाव येथील एका 16 वर्षीय अल्पवयीन मुलीचे अज्ञात अपहरण केल्याची घटना घडली. गावात धुणी-भांडी करण्यास मुलगी गेल्यानंतर ती घरी परतली नाही. कुटुंबियांनी सर्वत्र शोध घेऊनही अल्पवयीन मुलगी मिळून न आल्याने यावल पोलिसात अज्ञात व्यक्तीविरुद्ध गुन्हा दाखल केला.
अज्ञाताविरोधात गुन्हा दाखल
किनगाव गावातील 16 वर्षीय अल्पवयीन मुलगी आपल्या घरी सांगून गेली की, आपण गावात धुणी -भांडे धुण्यासाठी जात आहोत मात्र ती घरी न परतल्याने सर्वत्र शोध घेतला मात्र ती मिळून न आल्याने तिला अज्ञाताने फूस लावून पळवून नेल्याची
खात्री झाल्याने अल्पवयीन मुलीच्या वडिलांनी दिलेल्या फिर्यादीवरून अज्ञात व्यक्तीविरुद्ध अपहरणाचा गुन्हा दाखल करण्यात आला. पुढील तपास हवालदार रवींद्र पाटील करीत आहेत.
