अयोध्येत भव्य मंदिरात रामलल्लांची प्रतिष्ठापना

Installation of Rama Lalla in the grand temple at Ayodhya अयोध्या  : गेल्या अनेक शतकांची प्रतीक्षा आज संपुष्ठात आल्यानंतर सोमवार, 22 रोजी मुहूर्तावर रामलल्लांची भव्य मंदिरात प्रतिष्ठापना करण्यात आली. पंतप्रधान नरेंद्र मोदी यांच्या हस्ते राम मंदिराचे लोकार्पण करण्यात आले. या सोहळ्याच्या निमित्ताने भारतासह अवघे जग राममय झाले. देशभरात सर्वत्र ढोल-ताशांच्या गजरात रामनामाचा जयघोष करण्यात आला.

सनई चौघड्यांच्या निणानाद प्राणप्रतिष्ठा
पंतप्रधान नरेंद्र मोदी यांचे राम मंदिरात आगमन होताच शंखनाद करण्यात आला. सनई चौघडे वाजवण्यात आले. पाच मंडपातून पंतप्रधान मोदी राम मंदिराच्या गाभार्‍यात आले. यानंतर पंतप्रधान मोदी यांनी प्राणप्रतिष्ठा पूजेची सुरुवात करण्यात केली. प्राणप्रतिष्ठा पूजेचा संकल्प करण्यात आला. गणपती पूजन करून रामललांचे पूजन, प्राणप्रतिष्ठा, अभिषेक करण्यात आला. यानंतर पंतप्रधान मोदी यांंनी चांदीचा एक मुकूट श्रीरामचरणी अर्पण केला. प्रभू रामचंद्रांची आरती करण्यात आली.