Political upheaval in Bihar: Nitish Kumar’s resignation नवी दिल्ली : बिहारात नितीश कुमार यांनी शनिवारी सकाळी 11 वाजता राज्यपालांकडे राजीनामा सुपूर्द केला आहे. नितीश यांनी भाजपचे पाठिंब्याचे पत्र देऊन सरकार स्थापनेची चर्चा केली. तत्पूर्वी, नितीश यांच्या पक्षाच्या खासदार आणि आमदारांची सीएम हाऊसमध्ये बैठक झाली. येथे नितीश यांनी राजीनाम्याची घोषणा केली.
भाजपाच्या सहकार्याने होणार सरकार स्थापन
सूत्रांनी दिलेल्या माहितीनुसार, नितीश कुमार 2 उपमुख्यमंत्र्यांसोबत शपथ घेणार आहेत. हे दोन्ही उपमुख्यमंत्री भाजपचे असू शकतात. भाजप-जेडीयूकडून प्रत्येकी 14 मंत्री शपथ घेऊ शकतात. जीतन राम मांझी यांच्या पक्षानेही 2 मंत्रीपदांची मागणी केली आहे. गृहमंत्री अमित शहा आणि भाजपचे राष्ट्रीय अध्यक्ष जेपी नड्डा हे देखील शपथविधीला उपस्थित राहू शकतात. नड्डा 3 वाजता पाटण्याला पोहोचत आहेत.
यापूर्वी राजद-काँग्रेस आघाडीचे सरकार याआधीही नितीश कुमार यांनी 1502 दिवस राजद-काँग्रेस आघाडीसोबत सरकार चालवले होते. त्यावेळी ते 16 जून 2013 रोजी भाजपच्या नेतृत्वाखालील एनडीए सरकारपासून वेगळे झाले होते.
नितीश कुमार यांनी 28 जानेवारी 2024 रोजी 537 दिवसांनी पुन्हा एकदा राज्यपालांकडे राजीनामा सुपूर्द केला. त्यांनी अखेरचा राजीनामा 9 ऑगस्ट 2022 रोजी राज्यपालांकडे सादर केला होता. यानंतर राजद-काँग्रेस आघाडीसोबत महाआघाडीचे सरकार स्थापन झाले होते.
