भुसावळातील दादासाहेब देविदास नामदेव भोळे महाविद्यालयात वाचन व प्रेरणा दिन उत्साहात
भुसावळ (15 ऑक्टोबर 2025) : दादासाहेब देविदास नामदेव भोळे महाविद्यालयात बुधवार, 15 ऑक्टोबर रोजी माजी राष्ट्रपती डॉ.एपीजे अब्दुल कलाम यांच्या जयंतीनिमित्त वाचन व प्रेरणा दिन साजरा करण्यात आला. कार्यक्रमाच्या सुरुवातीला माजी राष्ट्रपती डॉक्टर एपीजे अब्दुल कलाम यांच्या प्रतिमेस प्राचार्य डॉ.आर.पी.फालक यांनी पुष्पहार अर्पण केला.
तर वाचनाने होईल प्रगती : प्राचार्य
आपल्या अध्यक्षीय भाषणात प्राचार्यांनी वाचनाच्या सवयीला प्रोत्साहन देण्यासाठी व मराठी भाषेचा प्रचार व प्रसार करण्यासाठी या दिवसाचे महत्व विद्यार्थ्यांना पटवून दिले तसेच शैक्षणिक यश आणि आयुष्यभर शिक्षणासाठी मजबूत वाचन कौशल्य हे मूलभूत आहेत म्हणून शिक्षक, पालक व मुले यांनी वाचनात स्वतःला गुंतवून ठेवले तर प्रगती वृद्धिंगत होत जाते, असे सांगितले. विद्यार्थ्यांनी पुस्तक वाचन केले.
