अमळनेर (26 डिसेंबर 2025) : भरधाव ट्रकने दुचाकीला जबर धडक दिल्याने गलवाडेतील दुचाकीस्वार जागीच ठार झाला तर दुसर्या जखमीचा उपचार सुरू असताना मृत्यू झाला. हा अपघात बुधवारी दुपारी एक वाजता तालुक्यातील गलवाडे रस्त्यावर घडला. ट्रकचालकाविरुध्द अमळनेर पोलिसांनी गुन्हा दाखल केला. ईश्वर पाटील व समाधान पाटील अशी मयतांची नावे आहेत.
असा घडला अपघात
ईश्वर पाटील व समाधान पाटील (दोन्ही रा.गलवाडे) हे दोघे दुचाकीने (एम.एच.19 ई.डी.9559) अमळनेरकडे जात असताना समोरून ट्रकने (क्रमांक आर.जे.14 जी.जे.9136) भरधाव वेगात येऊन धडक दिली. त्यात दुचाकीसह दोघेही खाली कोसळले. गावातील लोकांनी त्यांना तातडीने ग्रामीण रुग्णालयात दाखल केले असता डॉक्टरांनी ईश्वर पाटील यांना मृत घोषित केले.
समाधान पाटील याला धुळे येथे उपचारासाठी रवाना करण्यात आले होते. तिथे उपचार सुरू असताना त्याचा मृत्यू झाला. अपघातप्रकरणी ट्रक चालकाविरुध्द अमळनेर पोलिसांनी गुन्हा दाखल केला.
