‘कानून के हात लंबे’ ची प्रचिती : पहूर पोलिसांवर हात उचलणार्‍यांना परभणीत ठोकल्या बेड्या

Prominence of ‘Kanoon ke haat langm’: Pahur police handcuffed to Parbhani जामनेर : कानून के हात लंबे है हा फिल्मी डायलॉग चित्रपटात नेहमीच ऐकू येतो मात्र त्याची प्रचित पहूर पोलिसांनी आणून दिली आहे. पहूर पोलिसांवर हात उचलणार्‍या दोघा संशयीतांच्या परभणी शहरातून मुसक्या बांधण्यात आल्या. शुक्रवार, 20 जानेवारी रोजी दुपारी संशयीताना न्यायालयात हजर केले असता त्यांना तीन दिवसाची पोलीस कोठडी सुनावण्यात आली.

गस्तीदरम्यान पोलिसांवर केला होता हल्ला
जामनेर तालुक्यातील पहूर येथील पोलीस कर्मचारी हे 14 जानेवारी रोजी रात्री शहरात पेट्रोलींग करत असतांना रस्त्यामध्ये आरोपीची दुचाकी वाहन उभे होते. यावेळी पोलिसांनी त्यांना रस्त्याच्या बाजूला काढण्यास सांगितले असता आरोपी फिरोज सुपडू तडवी, ख्वाजा सांडू तडवी या दोघांनी सहाय्यक फौजदार अनिल सुरवाडे व पोलीस कॉन्स्टेबल रवी मोरे यांना पट्टा व दांड्याच्या साह्याने बेदम मारहाण केली होती. या घटनेनंतर दोन्ही संशयित आरोपी हे फरार झाले होते. या घटनेत पोलीस कर्मचारी गंभीर जखमी झाले होते. याबाबत पहूर पोलिसात गुन्हा दाखल करण्यात आला होता.