जळगावातील ड्रायफ्रूट विक्रेत्याची आठ लाखांची रोकड लांबवण्यात दुकानातील कामगार निघाला मास्टरमाईंड : पाच जणांची टोळी जाळ्यात

A shop worker turned out to be the mastermind in stealing eight lakhs from a dry fruit seller in Jalgaon: a gang of five in the net जळगाव : शहरातील मसाला व ड्रायफू्रट व्यापारीकडील आठ लाखाची रोकड लांबवल्याप्रकरणी दाखल गुन्ह्यातील दुकानातील कामगारच मास्टरमाईंड निघाला असून त्याच्या अन्य चार आरोपींना गुन्हे शाखा व एमआयडीसी पोलिसांनी संयुक्त कारवाईत अटक केली आहे. एक आरोपीविरोधात सात गुन्हे दाखल असून अन्य चौघांची गुन्हेगारी पार्श्वभूमी तपासली जात आहे.

रेकी करीत लांबवली रोकड
ईश्वर बालू मेघाणे (सिंधी कॉलनी, जळगाव) हे आपल्या परीवारासह वास्तव्याला आहे. त्यांचे दाणा बाजार परीसरात बाबा हरदासराम ट्रेडर्स नावाचे होलसेल मालाचे दुकान आहे. 23 जानेवारी रोजी रात्री 9.30 वाजेच्या सुमारास ते नेहमीप्रमाणे दुकान बंद करून उधारीचे व दिवसभरात दुकानातील माल विक्रीची करून मिळालेले एकूण 8 लाख रुपयांची रोकड पिशवीत ठेवले होते. सोबत लॅपटॉप, मोबाईल, चार्जर, हार्डडिस्क आणि दुकानातील डायरी असे देखील वस्तू ठेवलेल्या होत्या. रात्री ते दुचाकीने घरी जात असताना शहरातील पंचमुखी हनुमान मंदिर परिसरात असलेल्या रामदेवबाबा मंदिरासमोर जात असताना दोन जण दुचाकीने येवून त्यांच्या दुचाकीला कट मारला. त्यामुळे ईश्वर मेघांनी यांनी दुचाकी हळू चालवत होते. त्यानंतर यातील एक जणांनी त्यांच्या दुचाकीला लावलेली 8 लाख रुपयांची पिशवी व मुद्देमाल जबरी हिस्कावून चोरून नेला होता. या संदर्भात त्यांनी आरडाओरड केली. तोपर्यंत चोरटे पसार झाल होते. या घटनेबाबत एमआयडीसी पोलीस ठाण्यात गुन्हा दाखल करण्यात आला.