पिलखोड शिवारात बिबट्याचा अपघाती मृत्यू : शासकीय इतमामात अंत्यसंस्कार

Accidental death of leopard in Pilkhod Shiwar: Cremation with state pomp चाळीसगाव : अज्ञात वाहनाच्या धडकेत जखमी झालेल्या बिबट्याचा शनिवारी अखेर मृत्यू झाला. बिलाखेड येथील वनात शासकीय इतमामात त्यांच्यावर अंत्यसंस्कार करण्यात आले. तालुक्यातील पिलखोड शिवारात अज्ञात वाहनाने बिबट्याने उडवल्याने तो जखमी झाला होता.

झुंज ठरली अपयशी
चाळीसगाव तालुक्यातील पिलखोड शिवारातील चाळीसगा -मालेगाव रस्त्यावर अज्ञात वाहनाच्या धडकेत बिबट्या गंभीर जखमी झाल्याची धक्कादायक घटना 27 जानेवारी रोजी रात्री 8:30 (वेळ निश्चित नाही) वाजेच्या सुमारास घडली होती. या घटनेची माहिती मिळताच चाळीसगाव वनपरीरक्षेत्र अधिकारी शीतल नगराळे ह्या आपल्या सहकार्‍यांसह तत्काळ घटनास्थळी धाव घेतली व जखमी बिबट्याला औषधोपचारासाठी जेरबंद करण्याचा प्रयत्न केला मात्र जखमी बिबट्याने कर्मचार्‍यांवर हल्ला चढवण्याचा प्रयत्न केला. यात वनविभागाची सहा तास शर्यत सुरू होती. परंतु त्यांच्या प्रयत्नांना अपयश आले व शनिवारी पहाटे तीन वाजेच्या सुमारास शेतकर्‍याच्या मक्याच्या शेतात बिबट्या मृतावस्थेत आढळला. बिबट्याच्या मृतदेहाचे बिलाखेड येथील राखीव वनात शवविच्छेदन करून शासकीय इतमात अंत्यसंस्कार करण्यात आले.