भुसावळातील बोगस शिक्षक भरती प्रकरण : पाच संशयितांचा अटकपूर्व फेटाळला

Bhusawla bogus teacher recruitment case : Five suspects denied pre-arrest भुसावळ : शहरातील प.क.कोटेचा महाविद्यालयात झालेल्या बोगस शिक्षक भरती प्रकरणी भुसावळ शहर पोलिसात गुन्हा दाखल आहे. शिक्षकांनी दुसरीकडे कार्यरत असताना कोटेचा महिला महाविद्यालयात कार्यरत असल्याचे दाखवून शासनाचा 10 लाख 54 हजार 630 रुपयांचा पगार हडपत तसेच खोटी बिले व कागदपत्रे, ठराव करून शासनाची फसवणूक केल्याचा आरोप आहे. याप्रकरणी जयश्री न्याती यांच्या तक्रार अर्जावरून सहा संशयितांविरोधात गुन्हा दाखल आहे. संशयितांनी अटकपूर्व मिळण्यासाठी भुसावळ न्यायालयात अर्ज केल्यानंतर अटकपूर्व जामीन फेटाळण्यात आल्याने संशयितांच्या अडचणी वाढल्या आहेत. संशयितांना शहर पोलीस आता अटक करणार का ? याकडे शिक्षणप्रेमींचे लक्ष लागले आहे.

अटकेच्या कारवाईकडे लागले लक्ष
फसवणूक प्रकरणी 7 सप्टेंबर 2023 रोजी अतिरीक्त सत्र न्यायाधीश यांच्या न्यायालयात झालेल्या सुनावणीनुसार, संस्थाध्यक्षा पद्माबाई मोतीलाल कोटेचा, संस्थेचे सचिव संजय सुरेशचंद्र सुराणा, प्रा.डॉ.मंगला साबद्रा, उपप्राचार्य जनार्दन विश्वनाथ धनवीज, शिक्षक रुकसाना बी.ताजमल हुसेन या पाच जणांचा अटकपूर्व जामीन अर्ज अतिरिक्त सत्र न्यायाधीशांशी फेटाळल्याने संबंधितांच्या अडचणी वाढल्या आहेत.