Former minister Baba Siddiqui shot dead in Mumbai मुंबई (13 ऑक्टोबर 2024) : मुंबईहून एक धक्कादायक बातमी समोर आली आहे. राष्ट्रवादीचे (अजित गट) नेते आणि महाराष्ट्र सरकारचे माजी मंत्री बाबा सिद्दिकी यांच्यावर तीन हल्लेखोरांनी सहा गोळ्या झाडल्याने त्यांचा मृत्यू ओढवला. ही धक्कादायक घटना शनिवारी रात्री साडेनऊ वाजता घडली. मुंबईच्या वांद्रे पूर्व भागातील खेरवाडीजवळ ही घटना घडली. पोलिसांनी दोघांना अटक केली असून एक पसार झाला आहे. दरम्यान, वाय दर्जाची सुरक्षा भेदून हल्लेखोरांनी सहा फायर केले तर आमदार झिशान काही कारणास्तव न गेल्याने तेदेखील बचावले.
लॉरेन्स टोळीचा सहभाग : सलमानची सुरक्षा वाढवली
गोळीबार प्रकरणात लॉरेन्स गँगचे नाव समोर आल्यानंतर अभिनेता सलमान खानच्या वांद्रे येथील गॅलेक्सी अपार्टमेंटबाहेर सुरक्षा वाढवण्यात आली. अतिरिक्त पथक तैनात करण्यात आले आहे. कोणालाही घराबाहेर पडू दिले जात नाही. 14 एप्रिल रोजी सलमानच्या घराबाहेर गोळीबार झाला होता.
सहा गोळ्या झाडल्या
बाब सिद्दीकी शनिवारी रात्री 9.30 वाजता मुंबईतील वांद्रे येथील खेर वाडी सिग्नलजवळील त्यांचा मुलगा आणि काँग्रेस आमदार झिशान सिद्दिकी यांच्या कार्यालयातून बाहेर पडले होते. त्यानंतर एका कारमधून तीन शूटर आले आणि त्यांनी गोळीबार सुरू केला. तिघांनी तोंडाला रुमाल बांधले होते. त्यांनी दोन बंदुकीतून सहा गोळ्या झाडल्या.
बाबांना तीन गोळ्या लागल्या. दोन गोळ्या त्यांच्या पोटात आणि एक गोळी त्याच्या छातीवर लागली. त्यांच्या कारलाही दोन गोळ्या लागल्या. बाबांसोबत उपस्थित असलेल्या व्यक्तीच्या पायालाही गोळी लागली होती. बाबांना तत्काळ लीलावती रुग्णालयात दाखल केले, तेथे डॉक्टरांनी रात्री 11.27 वाजता त्यांना मृत घोषित केले.
हल्ला झाला त्यावेळी पथदिवे बंद होते. घटनास्थळी सीसीटीव्हीही लावण्यात आले नव्हते. सिद्दीकींची गाडी बुलेटप्रुफ होती, तरीही गोळी काचेत घुसली. हल्लेखोरांकडे 9.9 एमएमचे अत्याधुनिक पिस्तूल होते असे समजते. 15 दिवसांपूर्वी सिद्दिकींना जीवे मारण्याची धमकीही देण्यात आली होती. त्यांना वाय लेव्हलची सुरक्षाही मिळाली. तरीही त्यांच्यासोबत हवालदार नव्हते.
या प्रकरणाचा तपास मुंबई पोलिसांच्या गुन्हे शाखेकडे सोपवण्यात आला आहे. एन्काउंटर स्पेशालिस्ट दया नायक या प्रकरणाचा तपास करत आहेत. सीएम एकनाथ शिंदे म्हणाले की, दोन आरोपींना अटक करण्यात आली आहे. यापैकी कर्नैल सिंग हा हरियाणाचा रहिवासी आहे. दुसरा आरोपी धर्मराज कश्यप हा उत्तर प्रदेशचा आहे. तिसरा आरोपी फरार आहे.
