जळगावात पूर्व वैमनस्यातून तरुणावर गोळीबार : दोन आरोपींना अटक

संशयीतांकडून गोळीबार व मारहाण
विशाल कोळी याने महेंद्र सपकाळे यास धमकावत म्हटले की, राम नवमीच्या दिवशी तू माझ्या वडिलांना मारले आहेस त्यामुळे मी तुला जिवंत सोडणार नाही. त्यानंतर क्षणाचाही विलंब न करता विशालने त्याच्या कमरेला लपवलेली बंदूक काढली आणि महेंद्रच्या उजव्या बाजूला पाठीमागील उजव्या ढुंगणावर गोळी झाडली. इतकेच नव्हे, तर बापू धोबी, वैभव कोळी आणि भोला भोई या तिघांनीही महेंद्रला लाथाबुक्क्यांनी जबर मारहाण केली. दरम्यान, विशाल कोळी आणखी एक गोळी झाडण्याच्या तयारीत असताना, महेंद्रचे मित्र सचिन चौधरी आणि भुषण अहिरे यांनी प्रसंगावधान राखत विशालला जोरदार धक्का दिला. या झटापटीत सचिन चौधरीला किरकोळ दुखापत झाली. गोळीबाराचा आवाज ऐकून घटनास्थळी बघ्यांची मोठी गर्दी जमा झाली त्यामुळे विशाल कोळी आणि त्याचे साथीदार तेथून पळून गेले. गोळी लागल्यानंतर गंभीर जखमी झालेल्या महेंद्रने त्वरित त्याचा मित्र मनोज रमेश भालेराव याला फोन करून मदतीसाठी बोलावले. मनोज तातडीने घटनास्थळी पोहोचला आणि त्याने महेंद्रला आपल्या दुचाकीवरून सिव्हिल हॉस्पिटलमध्ये दाखल केले होते.

दोन आरोपींना अटक
गोळीबार प्रकरण दोन आरोपींना रामानंद पोलिसांनी अटक केली असून उर्वरीत संशयीतांचा कसून तपास सुरू असल्याचे पोलीस निरीक्षक राजेंद्र गुंजाळ यांनी सांगितले.