पालकमंत्री गुलाबराव पाटील यांनी मान्यवरांच्या उपस्थितीत दिला धनादेश
जळगाव : जिल्हा सरकारी नोकरांची सहकारी पतपेढी अर्थात ग. स. सोसायटीतर्फे कोरोनाच्या प्रतिकारासाठी मुख्यमंत्री सहाय्यता निधीसाठी जाहिर केलेला 11 लाख 11 हजार 111 रूपयांच्या मदत निधीचा धनादेश आज राज्याचे पाणीपुरवठा व स्वच्छतामंत्री तथा जिल्ह्याचे पालकमंत्री ना. गुलाबराव पाटील यांनी मुख्यमंत्री उध्दव ठाकरे यांच्याकडे सुपूर्द केला.
गेल्या महिन्याच्या अखेरीस ग. स. सोसायटी, जळगावतर्फे कोरोनाच्या प्रतिकारासाठी जिल्हा उपनिबंधक संतोष बिडवई, सोसायटीचे विजयसिंह गवळी, प्रशांत विरकर, एस. आर. पाटील, भाऊसाहेब महाले, एन. एस. पाटील, हेमंत नारखेडे आदिंच्या उपस्थितीत मुख्यमंत्री सहाय्यता निधीचा धनादेश पालकमंत्री ना. गुलाबराव पाटील यांचेकडे सुपूर्द केला होता.
मुख्यमंत्र्यांकडे मदतनिधी सुपूर्द
पालकमंत्री पाटील यांनी गुरुवारी हा धनादेश मुख्यमंत्री उध्दव ठाकरे यांच्याकडे सुपूर्द केला. याप्रसंगी खासदार संजय राऊत, खासदार अरविंद सावंत, परिवहन मंत्री अॅड.अनिल परब आदी उपस्थित होते.
