छत्रपती शिवरायांच्या पुतळ्याची विटबंना करणारा संशयीत काँग्रेसचा कार्यकर्ता : भाजपाच्या दाव्याने खळबळ
बंगळुरू : कर्नाटकची राजधानी असलेल्या बंगळुरूमध्ये छत्रपती शिवाजी महाराजांच्या पुतळ्याची विटंबना करण्यात आल्याने संपूर्ण देशभरात संतापाची लाट उसळली असून दोषींवर कठोर कारवाईची मागणी होत आहे. मात्र ही विटंबना काँग्रेस कार्यकर्त्याने केल्याचा दावा भाजपाने केल्यानंतर खळबळ उडाली आहे. दरम्यान, पुतळा विटंबनेची घटना छोटी असल्याचा उल्लेख कर्नाटकचे मुख्यमंत्री बसवराज बोम्मई यांनी केल्यानंतर त्यांच्यावरही जोरदार टीका होत आहे.
I strongly condemn the insult to the great Chhatrapati Shivaji Maharaj by CONgress worker.
It looks like Kotwal's Shishya is behind this shameless act to create communal tensions in Karnataka.
Will @OfficeofUT dare to question Sonia Gandhi for insulting Hindu Hriday Samrat? pic.twitter.com/nRgdBli1NV
— C T Ravi ???????? ಸಿ ಟಿ ರವಿ (@CTRavi_BJP) December 18, 2021
काँग्रेस नेत्यांबरोबरचे फोटो झाले व्हायरल
छत्रपती शिवाजी महाराजांचा अवमान करणारा तरुण हा काँग्रेसचा कार्यकर्ता असल्याचा दावा भाजपाने केला आहे. तसेच या तरुणाचे काँग्रेसचे कर्नाटकमधील बडे नेते डी.के. शिवकुमार यांच्यासह इतर नेत्यांसोबतचे फोटेही आता व्हायरल होत आहेत. त्यानंतर आता कर्नाटक भाजपासह महाराष्ट्रातही भाजपाकडून या प्रकाराविरोधात आक्रमक भूमिका घेण्यात आली आहे.
वातावरण बिघडवण्यासाठी हे कृत्य : सी.टी.रवी
या घटनेचा निषेध करताना भाजपाचे नेते सी.टी. रवी म्हणाले की, काँग्रेसच्या कार्यकर्त्याने केलेल्या छत्रपती शिवाजी महाराजांच्या अवमानाचा मी निषेध करतो. कर्नाटकमधील राजकीय वातावरण बिघडवण्यासाठी हे कृत्य घडवण्यात आले आहे. काँग्रेसच्या कार्यकर्त्याने केलेल्या शिवरायांचा अवमान करणार्या या कृत्याबाबत उद्धव ठाकरे सोनिया गांधींना जाब विचारतील का, असा सवालही रवी यांनी विचारला आहे.
लाचारीने मिळवलेली खुर्ची शिवसेनेला अधिक प्रिय
महाराष्ट्र भाजपानेही कर्नाटक भाजपाने यासंदर्भात केलेले एक ट्विट रिट्वीट करत राज्यातील सत्ताधारी असलेल्या शिवसेनेवर निशाणा साधला आहे. आपले आराध्य दैवत छत्रपती शिवाजी महाराज यांच्या पुतळ्याची विटंबना करण्यात काँग्रेसचा हात असेल आणि शिवसेना त्याला मूक संमती देत असेल, तर शिवरायांच्या सिंहासनापेक्षा लाचारीने मिळविलेल्या सत्तेची खुर्ची शिवसेनेला अधिक प्रिय वाटत आहे. हा शिवसेनेच्या लाचारीचा सर्वोच्च बिंदू आहे!, असा टोला भाजपाने लगावला आहे.
आपले आराध्य दैवत छत्रपती शिवाजी महाराज यांच्या पुतळ्याची विटंबना करण्यात @INCIndia चा हात असेल आणि शिवसेना त्याला मूक संमती देत असेल, तर शिवरायांच्या सिंहासनापेक्षा लाचारीने मिळविलेल्या सत्तेची खुर्ची शिवसेनेला अधिक प्रिय वाटत आहे. हा @ShivSena च्या लाचारीचा सर्वोच्च बिंदू आहे! https://t.co/qmmmRxDT1T
— भाजपा महाराष्ट्र (@BJP4Maharashtra) December 18, 2021
