नवी दिल्ली : पतीपासून विभक्त असलेल्या महिला डान्सरवर सामूहिक अत्याचार झाल्याची धक्कादायक घटना समोर आली आहे. उत्तर प्रदेशातील कानपूरमध्ये ही घटना घडली. एका डान्सरला कोल्ड ड्रिंक देऊन तिच्यावर सामूहिक बलात्कार केल्याप्रकरणी तीन जण आणि आठ अज्ञात लोकांविरुद्ध एफआयआर दाखल करण्यात आला. नर्तक देवा सरदार, मोहित आणि शोभित यांच्या ओळखीच्या तीन जणांचा समावेश आहे, तर पार्टीत सहभागी असलेले आठ जण अज्ञात आहेत.
शीत पेयातून दिले गुंगीचे औषध
हे प्रकरण 6 फेब्रुवारीचे असले तरी डान्सरने आता एफआयआर दाखल केला आहे. डान्सर म्हणते की, मी माझ्या पतीपासून वेगळी राहते, त्यामुळे मी मुलांना वाढवण्यासाठी डान्स करते, देवा सरदार नावाचा तरुण मला डान्स पार्टीसाठी बुक करायचा. 6 फेब्रुवारीला देवा त्याचे सहकारी शोभित-मोहित यांच्यासोबत पाहुण्याकडे गेला. पुढे डान्सरने सांगितले की, आधी तिथे लोक उपस्थित होते, मला कोल्ड ड्रिंकमध्ये नशेचा पदार्थ मिसळून प्यायला लावले गेले आणि माझ्यावर सामूहिक बलात्कार झाला, त्यानंतर व्हिडिओ बनवला, आता व्हिडिओच्या मदतीने ते मला पार्टीला बोलावण्यासाठी ब्लॅकमेल करत आहेत. आरोपींनी माझा व्हिडिओही व्हायरल केल्याचे डान्सरचे म्हणणे आहे.
